昨日24歲生日的唐貝詩，前晚在金鐘舉行生日派對，黃榕及王璐瑤等以性感裝扮出席，而E cup超蓮就因酒精中毒入咗院沒出現。黃榕到場後，自動波除衫露肚，她早前在野外全裸拍寫真懷疑犯法，她解釋說：「其實全部喺三亞度影，我仲租咗個別墅，山邊又有黑布遮住，後面又係山坡，唔會犯法。」
天時暑熱，習慣咗全裸嘅黃榕前晚一到埗就忍唔住剝，當堂搶晒壽星女唐貝詩風頭。
「冇佢咁意淫」寫真對手許穎Phoebe之前寸黃榕叫她多讀書，黃榕反駁：「我都係擺啲靚甫士，佢上年仲揸胸、扯底褲，我冇佢咁意淫，叫佢把口唔好咁賤啦！」王璐瑤就表示送度身訂做的窩釘胸圍給唐貝詩，又謂不會送寫真新書給余文樂。
