於亞視多年的陳煒今年轉投無綫後即備受重用，更有機會拍攝重頭劇《金枝慾孽貳》和《法網狙擊》。昨日煒哥為《法》劇拍攝落水戲色誘對手郭政鴻，她除了自備泳衣外，又預告會和郭政鴻在船艙拍床戲，已為人妻的煒哥更瞞住老公拍親熱戲。
陳煒昨日穿上私伙泳衣拍無綫劇落水戲，身材依然弗到漏。
陳煒與郭政鴻昨日在屯門一私人住宅內拍攝新劇《法網狙擊》，該場戲講到穿上泳衣的陳煒要於泳池內戲水，並色誘身為大律師的郭政鴻，要求郭政鴻為她辦事。
雖然有親熱戲，不過陳煒未有向老公顏志行備案，相信老公不會呷醋。資料圖片
陳煒和郭政鴻在劇中將會有火辣的肉搏戲，意識相當大膽。
陳煒雖已嫁作人婦，但仍睇頭十足。減肥上圍跌Cup
煒哥見有記者探班亦非常合作，不用埋位亦不吝嗇為拍攝泳裝戲而減的苗條身材，狂轉甫士任影唔嬲。雖然見陳煒身形保持得不俗，但上圍相對亦不算突出，她表示：「我有特登為呢場戲去做機減肥，減咗五至六磅啦，都幾大壓力，有五年冇着泳衣拍劇，不過瘦之餘上圍都跌晒cup。」
船艙床戰更激
煒哥又自爆保守，所以特別自備一件頭的私伙泳衣拍攝。是否與郭政鴻有很多激情床戲？她坦言：「遲啲會出海，我哋會喺船艙搞嘢。」問到她有否跟老公備案？煒哥笑言：「佢有問我角色做乜嘢，我話係殺人放火嘅反派，不過冇提床戲，佢咁八卦自己會睇啦！」
在炎熱天氣下要穿西裝拍攝的郭政鴻，笑言羨慕煒哥穿得這麼清涼，提到二人的床戲，郭政鴻表示：「聽講激激哋！我哋都溝通緊，唔想太過一般。」
