一個人食嘢，李亞男都冇乜心機，一味專心食魚。
李亞男同王祖藍呢段「長短腳之戀」唔覺唔覺已經拍咗拖3年，雖然傳過幾次婚訊，而且祖藍亦去美國見過未來岳母大人，表面上感情好似好穩定。不過事業心重嘅祖藍，咁難得憑《福祿壽》紅咗，當然會爭取唔同嘅工作機會。
忙咗，難免冇時間陪女友。日前媽咪姐就撞到李亞男，一個人喺將軍澳Popcorn商場食壽司。媽咪姐都係女仔，覺得最難忍嘅事莫過於一個人食飯，李亞男貴為華姐又咁靚女，竟然都咁孤獨，陰功豬囉！而媽咪姐所見，當時李亞男為咗唔俾人發現，一路戴住帽，仲一直耷低頭，食咗幾嚿壽司，就急急埋單走人，行返將軍澳中心屋企。媽咪姐奉勸大忙人祖藍，錢係需要搵，但唔可以忽略女友㗎，如果唔係人哋走咗就喊都無謂喇！####
食到咁上下，李亞男攞個電話出嚟玩咗一陣，大概都係搵祖藍send短訊啦！
素顏嘅李亞男夠晒白滑，引到好多街坊都向佢行注目禮。
