由戚其義監製無綫劇集《天與地》首播以來，瞬即成為香港市民熱門話題。《天》劇卡士強勁，演員包括有陳豪、林保怡、黃德斌及佘詩曼等等，無奈出現了低收視好口碑的奇怪情況。阿佘說：「贏口碑當贏口架啦！見到報紙、雜誌同網民都有讚，無論監製、導演、編劇同演員，都已經好開心！」文：駱震寧圖：鄧國良
阿佘坦言，當初看過《天與地》的劇本，已預期爸媽級別的觀眾不太受落，而年輕一輩會比較喜歡。而阿佘就坦言喜歡此劇，她說：「同以前拍嘅劇集好唔同，拍攝前做嘅功課，自己都用多好多時間。」事實上，《天》完成拍攝已有兩年時間，更有演員埋怨此劇遲遲未能播出。對此，阿佘說：「的確比我預期耐，我都驚自己同觀眾會遺忘。時裝劇係拍完就播比較着數，好彩編劇旭明有先見之名，依家播個話題都好啱依家呢個時勢。」
年尾收視照例差
問到可擔心《天》會被封存？她說：「其實個心情幾起伏，傳播又唔播都已經有幾次，心情都上上下下口架！但係終於都播，喺年尾。」提到可會是她跟林保怡都沒有續約有關，她說：「在我嚟講唔係囉，我只係轉咗合約形式，冇唔簽約。」
談到《天》收視低好口碑，阿佘表示贏口碑已可當勝利，坦言收視高要靠天時地利人和，直言年尾收視始終會差一點。此外，阿佘更透露劇集圍繞4個極端話題，就是愛、恨、好及壞。記者問到以上都難有準則，她笑說：「無口架！幾時出街都無準則口架啦！」
另外，阿佘的演出得到網民大讚，更指現今所有花旦都比不上。阿佘說：「唔敢當，唔好咁講！」提到網上更有聲音指，胡杏兒跟本無資格奪視后，只因佘詩曼年代已過去，TVB唯有給她兩獎做勢。對此，阿佘說：「因為我冇留意呢一種評論，但係角色、劇種、監製都唔同，唔可以比較，而凡事都不能滿足雙方面。咁杏兒都好努力，都好戥佢開心。」
■阿佘與林保怡在《天與地》中贏盡口碑。
■阿佘為拍《天》劇下了不少苦功。
■佘詩曼直言《天與地》之前傳過幾次會播又唔播，令她的心情忐忑。
