性感韓星蔡恩真自爆不介意男友「食軟飯」，只要對方是識做家務、識煮飯的「小白臉」就最合她心意，這位積極來港發展的韓星果然思想前衞！
韓星蔡恩真前晚偕日模松岡李那，到中日混血歌手好友日華的音樂會撐場，性感上陣的蔡恩真被問到於香港曾否遇過富商？她趁機透露擇偶條件：「香港有好多有錢人，不過我唔在乎，揀伴侶最緊要好心地，唔係花花公子，同埋要識煮嘢食。」她坦言不介意男主內，女主外：「要識煮飯、清潔，可以唔做嘢，我畀錢佢！（養小白臉？）OK呀！」
曾是韓國組合CLEO成員的恩真，提到前隊友裴賢貞早前被指騙取內地富商老公三千萬，她說：「聽講佢哋之前已經和好，賢貞仲還番三千萬畀佢。」
變樣松岡否認整容
而前晚姍姍來遲的松岡表示因工作太累，在家瞓過頭，更曾經連睡二十四小時！樣子有變的她被問到有否整容？她說：「冇！可能瘦咗。我都想整高個鼻，但公司唔畀。」而昨日松岡出席活動時彎腰執波，令一雙33C「蜜桃胸」乍現人前，更露出白色喱士Bra，非常性感。
