韓國模特兒蔡恩真（EJ）跟同鄉朴喜秀，以及曾經俾本報拍到同韓國人氣組合BIGBANG勝利夜蒲嘅田代麻衣，呢三位外勞日前凌晨時分喺中環夜店行內衣騷，現場塞滿晒人，個個熱血沸騰。傳搞到周秀娜同Avis分手嘅第三者羅彩玲（Vivian），當晚亦喺現場睇騷，心情似乎冇受影響。雖然現場逼滿人，但EJ同田代等行騷時都收放自如，搔首弄姿擺唔同甫士，更有男士專影佢哋上圍。
俾人問過價
提到之前有𡃁模俾人食霸王餐，EJ老實不客氣話：「好stupid，唔會同陌生人去房度飲嘢，我唔做呢啲。」而田代坦言俾人問過價：「喺日本試過，我好驚，第一時間走。」
蔡恩真、朴喜秀同田代麻衣等着內衣行騷，有人特登瞄準影胸。模特兒着上性感內衣跳勁舞，唔知Vivian（箭嘴示）係咪想嚟取經呢？
蔡恩真着火紅bra同內褲擺甫士，加埋隱約嘅t-back，引死人。雖然台下有男有女，但蔡恩真着住性感內衣行騷依然揮灑自如。
from:
http://hk.apple.nextmedia ... 130208/18159664
