蔡恩真Enjel話自己嘅34C方形胸就係僭建：「爸爸開頭都好反對，不過我性格好固執，之後就由佢幫我決定，隆入凝膠喺胸部，我哋都好滿意個結果。」
一年一度哈囉喂，海洋公園新廣告又變城中熱話，皆因廣告中魔女又唱又跳好養眼，「龍婆」羅蘭姐都俾佢搶晒鏡。
個個留名話等睇女主角鬼后真面目，查實索魔女叫蔡恩真嚟自韓國，索樣執過唔算爆，最爆係佢老豆就係整容醫生，蔡恩真（Enjel）14歲開始整到家28歲，眼、鼻、胸長執長有，冇樣係真。
雖然34C都係流嘢，不過齋睇夠過癮咪得囉！
踏入十周年，海洋公園哈囉喂新廣告標榜係十年最高成本最強陣容，不過除咗壓軸過鏡嘅影后羅蘭姐，女主角竟然唔益自己友，由韓妹蔡恩真演出。雖然個妝又厚又誇，都難逃討論區宅男法眼，個個讚樣靚身材正，跪求起底咁話。
超晒齡
其實韓語拼音叫Enjel嘅蔡恩真，17歲就喺韓國出道，與兩女組成女子組合CLEO，出過四張唱片。07年以獨立姿態再出個人專輯，今年由香港經理人公司吹雞來港發展，不過唔係拍戲又唔係唱歌，而係做model：「我覺得香港model中，周秀娜好性感，Jessica C.睇唔出警鐘胸喎！不過我就唔想同佢哋比，始終年齡差好遠！」
Enjel承認現時有個拍拖多年的台灣中韓混血兒男友（中），因為男友關係，Enjel在台灣有徐若瑄、房祖名等不少圈中朋友一早認咗加過工，年中Enjel在活動遇上被質疑後天發育的36E趙碩之，邊對係真咪要考大家眼光。
從小執
28歲至喺香港起步未算激，蔡恩真更大膽係承認自己整容隆過胸，仲要第一次手術喺14歲：「爸爸係整容醫生，不過我嘅手術就唔係佢經手，佢問清楚我意見，然後再介紹有信心嘅同行畀我。整容喺韓國好普遍，好多女仔十幾歲未發育就整定添！既然做手術會令自己有自信，我覺得應該要做囉！」但問到她邊度整過時，蔡恩真說：「認咗就夠嘞，唔想講太多，始終香港人比較保守。」
一聽講話俾港男封做女神，魔女好識做：「其實我都好鍾意香港男仔，比韓國男仔細心體貼錫女朋友囉，我希望第時個老公都係港男嚟o架！」唔知邊位電車仔有幸試到假嘢呢？
死樣熱
哈囉喂廣告現時每晚熱播，唔少網友都話一開波就係棺材蓋打開、Enjel嘅流血死樣好不安，不過都有人話佢個死樣算靚。
跳鬼舞
歌星出身嘅Enjel話跳舞唱歌冇難度，鬼后頭飾最攞命：「拍完十幾個鐘，膊頭好痛！呢個係我一世人戴過最重嘅頭飾，不過好靚好特別！」
娘爆組合
17歲出道嘅Enjel做過女子組合CLEO成員，又出過個人唱片，不過發展麻麻：「今次喺香港同內地發展如果唔太好，我已經計劃過會轉行開cafe。」
99厚粉
現年28歲嘅Enjel樣貌與10年前已經兩個樣，不過早於14歲進行第一個割雙眼皮廣告，Enjel嘅真實樣貌已經無法考究。
10清純
姓名：蔡恩真（Enjel）
年齡：28歲
出生日期：1982年3月8日
身高：5呎7吋
體重：106磅
三圍：34C（隆胸後由A變C）、24、34
直擊蔡恩真哈囉喂魔女
蔡恩真海洋公園哈囉喂
創意有限
海洋公園哈囉喂十年慶，園方發大嚟搞，大手筆投資8位數字宣傳，製作特輯更自吹集合全港最勁創意團體鐵三角導演Jacky Lee、音樂總監伍樂城及舞蹈總監Sunny Wong打造廣告。不過就有網友踩首主題曲旋律同畫面都以足美國歌手Ke$ha歌曲〈Take it Off〉，導演Jacky回應：「首歌係伍樂城全新作，咁樣指控就唔太公平囉！dance beat係咁，咁都話係抄，咁Lady Gaga咪又係首首歌都差唔多！」咁又講得有道理嘅！
導演Jacky︰指控唔公平(真實對白)
