「萬寧哥哥」沈志明最近惹上桃色糾紛，除了被爆是媾女王外，更遭年僅16歲的靚模、Fantasy成員謝芷蕙（Cammi）踢爆被他毛手毛腳。
前晚謝芷蕙Cammi到尖沙嘴出席《世紀戰疫》首映禮時，她再次承認被沈志明呃：「係呀，俾人呃，佢叫我去佢屋企飲紅酒，有啲酒後亂性，所以夾硬嚟，自己唔想再講，唔想再提。」問到為何不報警求助時，Cammi竟說：「同家人商量過，因為唔係好事，唔想搞大，怕搞大件事俾親戚朋友知道。」但傳媒已報道事發經過，她表示親友很少睇娛樂新聞。
謝芷蕙Cammi直認當初與沈志明想做朋友，一心想着他是藝人，才上他家方便傾偈。沈志明是否追求她？她說：「唔算追，佢外表幾斯文，家冇聯絡，之後會帶眼識人。」
