盛品儒早前被有米女友蔡一鳳狠撇，他上週即偷嗒有翻版謝安琪之稱的𡃁模郭奕芯（Ashina）療情傷，兩人啜爆街頭，盛品儒其後發現有人借緋聞催谷寫真，有意搵舊愛蔡一鳳箍煲，據知兩人掟煲唔掟蓋，仍有聯絡。
零知名度C奶Ashina，火速借緋聞上位，她今年書展更推出倒奶寫真。昨日有讀者報料，大爆Ashina和𡃁模謝芷蕙（Cammi）是「整容雙嬌」，從兩女的舊照看來，她們現在樣貌跟從前變化很大。Ashina五官默默起革命，她在14歲時以舊名郭嘉銘（小蕉）參加「Yes!!全港校花校草選舉2009」，當時的拉票宣傳片中，她仍是方臉、扁鼻兼平胸，可是現在拍寫真卻有一對大眼、間尺鼻、V煞臉，以及C奶導彈，變化非常明顯。
鼻同下巴整過
有指Ashina整容後又改名郭思嵐（Gabby），似乎想借新名字掩飾過去。Ashina被揭改頭換臉，記者昨日致電求證，她直認去年整容：「我貪靚，鼻同下巴打過針，我想鼻高啲，下巴尖啲，眼同個胸係真嘅。」Ashina認為整容後自信心增加：「我心理上比以前好，不過適可而止，身體其他部位都唔會整，唯一隻想減肥。我認得整容，唔介意人哋眼光，我控制唔到。」
Ashina和Cammi（左）整容前樣子跟現在判若兩人。
整容𡃁模Ashina跟盛品儒街頭啜爆後即火速上位。資料圖片
Ashina的整容新聞卻連累Cammi被翻舊賬，Cammi昨在電話中劃清界線：「佢係我中學同學嘅朋友，好耐冇聯絡。」可覺Ashina整過容？Cammi揶揄：「係女仔都女大十八變，變得越嚟越靚係好事。」會撐Ashina買她的寫真嗎？Cammi不屑：「同佢唔算朋友，佢唔係我值得欣賞嘅人，我係唔會買。」
此外，Cammi真面目又再曝光，Cammi說：「可唔可以唔登嗰啲相？」是不是不滿被Ashina拖累？Cammi無奈說：「我都認咗曾割雙眼皮，同埋打過透明質酸，但𠵱家都溶解咗，網民係鍾意翻舊賬，我承認以前整容係細個無知，𠵱家好後悔。」
【
From:
http://hk.apple.nextmedia ... 140712/18796883
