Cammi(謝芷蕙)早年同陳冠希流出「蜜照」而為人認識，而佢戀聞亦多姿多采，自2013年同內地富二代阿傑拍拖後，就好似過住「闊太」生活，成日去酒店High tea、又買名牌，認真識嘆﹗
有指Cammi早前獲男友幫忙，喺廣州開咗間逾千呎時裝店，裝修連租夾埋用咗近百萬元，Cammi升呢做老闆娘，不時喺instagram曬自己店舖。
而昨日有週刊爆料，Cammi當初係因為去內地登台，而結識到富二代阿傑，報導更指男方早年曾去外地讀書，近年返廣州打理家族時裝生意，家住5千呎豪宅、有司機接送，Cammi當然出盡力箍實男方，主動搬咗去男方屋企，有傳Cammi完全唔介意同對方屋企人同住。
據報導表示，富二代男友一向好豪氣，成日送過萬元嘅名牌手袋畀Cammi，不過該週刊爆，Cammi除咗平日mark實男友阿傑，亦同好姊妹金慧君約咗兩個闊少，喺北角食生蠔嘆白酒。
報導更指，背住內地富二代男友，喺香港約會闊少嘅Cammi，不時拉高聲線撒嬌、托下巴放生電，對方都好受落，Cammi似乎埋富二代堆冇難度!
另外，Cammi昨日接受《蘋果》電話訪問表示：「闊少係男朋友嘅好朋友，佢同我嘅女仔朋友拍拖，所以先一齊出去玩!」
from:
http://hk.apple.nextmedia ... 150520/19153746
