陳鍵鋒早前接受有線訪問中大數無綫孤寒，雖然未有被無綫封殺，但他昨日又直入亞視總台，接受亞視節目《EVA會客室》訪問，揚言稍後除出席亞視台慶外，為公平起見希望連有線及鳳凰衛視台慶也出席，剃無綫眼眉到底。
陳鍵鋒昨日甫到亞視即與高層會面，問他是否準備與亞視簽約時，他說：「都係嚟探吓老細，睇吓嚟緊會唔會有乜合作。」他指是次訪問毋須知會無綫，因雙方已沒有合約，陳鍵鋒直言亞視邀請他出席529台慶，但他稍後將返內地拍劇，會盡量度期，他說：「我都上咗無綫台慶咁多年，一係再公平啲上埋有線台慶，遲啲再去埋鳳凰衛視。」
陳鍵鋒表示絕非撐亞視，他說：「冇話撐唔撐，出嚟打工最緊要有嘢做。」他表示前日有接受鳳凰衛視訪問，揚言能上不同平台接受訪問是新趨勢，故不怕做死士，他說：「一定要有人去做突破，因為嚟緊係自由公平嘅市場。」問到會否擔心被無綫封殺，他說：「佢哋都好直接話係開放平台，佢哋都好理解，總之大家都好大方去處理，太負面就唔好，大家都好為大前提。」亞視高層葉家寶更特意送上心形用品，以示為有良心電視台。
此外，大馬歌手梁靜茹昨日也於亞視總台接受《EVA會客室》訪問，她表示婚後的生活令她更有動力，對於好友孫燕姿婚訊，問到可感到突然時，她說：「唔會好突然，佢本身好熱愛自己嘅生活同屋企人，組織自己家庭只係時候到。」
對於6月將於紅館舉行巡迴演唱會，梁靜茹表示會加插舞蹈部份，問到是否勁歌熱舞，她說：「有少少rock嘅部份，仲未去到勁舞部份。」服飾方面以靚為主，問到老公可會介意性感時，她說：「佢唔會太多干涉工作。」
from:
http://hk.apple.nextmedia ... art_id=15183573
