蔡楓華重踏舞台的三場演唱會前晚完成，由於反應熱烈令蔡楓華信心飆升，但卻有傳他因此和主辦者孫敬安為錢反目，孫更踢爆他坐地起價。而蔡楓華前晚就誓言即使問fans借錢都要到紅館開個唱，否則誓不為人，他更用自己金句聲言：「嗰一剎那光輝係永恒。」
一連三場「全心全意支持蔡楓華演唱會」前晚在Star Hall圓滿結束，依然全場爆滿，無綫總經理陳志雲、何韻詩、張智霖、洪欣和老公張丹峰等捧場。
前晚蔡楓華不時表白渴望到紅館開騷：「就算孫敬安唔肯投資都好，最多我問fans借錢，每人一萬，肚餓唔食飯都要去紅館唱，唱完可以告別，嗰一剎那光輝係永恒！就係呢一剎那。」蔡楓華更咆哮發誓：「不入紅館，誓不為人，2012年等住你哋。」
之後眾人往尖沙嘴舉行慶功宴，問蔡楓華是否即使借錢都要在紅館開騷？他謂：「真材實料實有投資者。」再問蔡楓華是否做完紅館騷後告別？他有所保留說：「咁咪開一場pre紅館騷先，入到紅館就OK。」
問蔡楓華是否飛起孫自己開騷？他說：「人哋唔同我做，我自己做，我已入咗紙申請紅館，我係有情有義o架。」問蔡楓華賺了多少？他只說最重要養活媽咪。
疑患青光眼
孫敬安否認拒再為蔡楓華搞騷，他說蔡歌酬有數十萬，但言談間卻顯出似與蔡不咬弦，接着指三場個唱票房收益有200多萬：「佢（指蔡楓華）初時擔心冇人嚟，所以冇收歌酬，但後來見反應好，話需要錢要收番，簽約時話加場就分紅。」蔡楓華指第三場加場是報答孫敬安，孫聞言謂：「唔收錢就報答，但佢即時加咗50%。」此外，車淑梅昨到銅鑼灣出席活動時說蔡楓華之前被人打傷引致青光眼。
from:
http://hk.apple.nextmedia ... art_id=15120270
