將於下月26日在九展Star Hall開騷的蔡楓華（Ken）宣佈加場，前晚他擔任《勁歌金曲》表演嘉賓，自言被黑幫打傷眼的Ken繼續戴黑超示人，更連換兩套服飾，為稍後個唱做定熱身，楓華再現的Ken獲十多名粉絲捧場，即時high爆以勁歌熱舞答謝粉絲，更感觸落淚。
蔡楓華、江若琳和泳兒等前晚到將軍澳電視廣播城擔任《勁歌金曲》表演嘉賓，現場焦點集中在Ken身上，由於他將於下月26日在九展Star Hall舉行一場「全心支持蔡楓華All 4 Ken演唱會」，所以前晚他先在個唱前熱身，現場更有十多名粉絲支持，當粉絲一見紅唇王子出場即高呼「好靚仔」，Ken開心說：「好多年冇見你哋，好掛住你哋，終於有fans出嚟，好感動。」
日前Ken出席個唱記招時自稱被黑幫打傷眼，所以前晚他繼續戴黑超上鏡，瘦身成功的他雖然只獻唱《也許》、《風中追風》和《何必曾相識》三首歌，但卻換了兩套歌衫，更越唱越high，大耍咪stand絕技，將咪stand作360度旋轉，身手一流。當他獻唱完第一首歌下台稍作休息時，因現場粉絲反應熱烈，他即與粉絲握手及收禮物，令在台上唱歌的江若琳備受冷落。
未知Ken是否太感動，他突在台邊感觸落淚，陪他到場的盧敏儀即安慰他，並拉他到粉絲堆中感受大家的支持，Ken又坐在一名男粉絲的大髀上，男粉絲也相當受落。
Ken事後接受訪問時表示，再上《勁歌》舞台十分開心，一點也不覺緊張，至於個唱會否邀請嘉賓時，他說：「未知，等大會決定，上次倫哥（譚詠麟）話嚟，如果其他人義薄雲天想嚟都冇所謂。」
Ken自言重出樂壇心情很複雜，感激歌迷多年來對他不離不棄。他完成演出後，由盧敏儀護送返回元朗寓所，他見傳媒追訪即細心問候，又大擺甫士給大家拍照。
盧敏儀接受電話訪問時透露，由於Ken的個唱反應熱烈，決定加開下月27日一場，她說：「佢噚晚好興奮好開心，因為有咁多fans支持，佢30幾年嚟都未試過因為工作喊，今次係第一次。」
from:
http://hk.apple.nextmedia ... art_id=14985968
