梁洛施與李澤楷分手，全城議論紛紛，楊秀惠和周家蔚昨日在電視城出席新節目記者會。對於李梁分手，楊秀惠說：「李澤楷係有責任令女方同小朋友生活得到保障，因為都要錢照顧小朋友。」
秀惠表示感情事是非常私人的事，只有雙方才知，更認為每人都不同，她說：「有啲人天生條命好，唔擔心生活就會俾人話貪錢。」周家蔚同樣覺得應保障自己，她說：「女人最緊要有保障，當然一定要仔女有得食，唔使要捱，香港啲學校真係好貴o架。」
現在now台主持節目的農夫成員C君昨在中大出席活動，他對李澤楷發聲明讚好：「處理得好好，感情嘢好小事，我哋唔會理老細做乜，你話佢發聲明話照顧我兩個一世就話緊張！」
梁洛施和李澤楷的好友詹瑞文昨在旺角宣傳，他說：「我同兩位都係朋友，尊重佢哋決定，覺得Richard（李澤楷）發聲明平息件事好好，希望佢哋將來都有好生活。」
李曾超群在沙田出席講座時說：「有啲人貪有錢人啲錢，生活可以多姿多采，但又唔付出感情，但我唔可以話全部人都係咁，好似許晉亨都好愛李嘉欣。」
from:
http://hk.apple.nextmedia ... art_id=15033193
