楊千嬅去年底舉行連場婚禮後，農曆年即與老公丁子高恩愛到馬爾代夫度假，她昨日往探病童大派利是，但笑言在外地沒有狂造人，只是恩愛享受日光浴，狂曬太陽至甩皮，但又因要拍沐浴露廣告，現在要狂護膚補救。
楊千嬅昨晚到沙田麥當勞叔叔之家探訪病童，她大派利是，與小朋友玩遊戲，小朋友不但回敬恭賀說話，還送上蛋糕和鮮花補祝千嬅生日。
原來剛過去的情人節，碰巧是千嬅的農曆生日，她透露剛與老公丁子高到馬爾代夫和泰國度假一周回港，問到是否狂造人，千嬅說：「冇狂造，做啲應該做嘅嘢，我曬太陽曬到燶咗呀，我老公唔鍾意我黑叫我唔好曬，但去到唔曬太陽好似冇買手信咁，我塊面冇事，但個身甩皮囉。」
千嬅與老公享受陽光與海灘，明天她卻要拍沐浴露廣告，擔心甩皮情況嚴重，返港後即不停護膚，希望不影響拍攝。至於怎樣與老公過情人節，千嬅說：「喺朋友屋企過，冇乜特別，我老公話情人節係呃錢嘅，之後我都做嘢開工咯。」
談到早前千嬅與宿敵容祖兒的fans在微博罵戰，事緣千嬅獲香港電影評論學會封為影后，祖兒fans即留言指她沒有資格，兩幫fans即展開罵戰，千嬅更留言「你們讓我自豪！」力挺fans。
千嬅昨日說：「我都唔知發生乜事，只係度假時無聊冇嘢做上網，見到有個fans話唔好嗌交，我都唔鍾意人嗌交，我見佢咁咪話自豪囉，呢句都係《斗零踭》歌詞，唔嗌交係成熟表現，所以我先寫呢句。」
有指兩幫fans罵戰至今未停，千嬅說：「我唔知，其實唔知因乜事嗌交。」千嬅說相信fans們只是出於保護偶像心態，又說：「可能小朋友細個，大多幾年就唔會咁，我都係安慰吓我啲fans啫。」
from:
http://hk.apple.nextmedia ... art_id=14981977
