側田不愛被報道戀情，也忌諱被取笑沒頭髮，但前晚他在紅館的告別香港演唱會上不停大談自己的情史，又當眾向不在場的現任女友發表愛的宣言：「佢出現令我想成家立室，我都34歲啦。」側田幾度光頭出場，又笑謂：「有冇見過光頭偶像？都幾搞笑。」當雷頌德哭着不捨側田離開時，他即謂每年會返香港一次。
側田前晚在紅館舉行演唱會，唱完兩晚後他便告別香港到北京發展，好友古巨基、楊千嬅夫婦及周倩圯與男友等都有捧場。當觀眾還在入場時，光頭側田已坐在台上打坐十分鐘，正式開場後，舞台上吊下一頂黑帽，側田才拿起戴上。後來側田又光着頭落台與觀眾握手，不停說：「有冇見過光頭偶像？都幾搞笑。」
昨晚側田請來叔父Ted Lo彈琴，廿四味、尹光、C all STAR任表演嘉賓，又唱歌送給千嬅夫婦，不過側田花最多時間的還是談自己的情史，他說：「我身為唱作偶像派係一件好矛盾嘅事，做好啲歌要感情豐富，但身為偶像派如果感情豐富會俾人話風流。」然後他接連講自己以往如果追女仔，包括十年前在美國識了一個女仔有火花但沒有拍拖，他說：「Timing錯咗，如果當時處境唔同，家應該仲一齊緊。」然後唱《Erica》。
側田後來又談與林苑的一段情：「佢同我一樣一出嚟就好受關注，呢段感情timing又係唔啱，我上張碟有首歌係講呢段情，當係我哋感情嘅一個終結，你哋估到佢係邊個，今晚唱唔可以當送畀佢聽，係當治療我自己。」他唱《She's Out Of My Life》。側田又說：「接住呢首歌係講我家感情狀況。」他唱《Still In Love》。到演唱會結尾時，他大談現任韓籍女友：「好遺憾佢唔喺度睇呢個騷，我搵到一個人令我唔想再出去玩，想照顧佢。我改變咗，以前啲人話你遇到the one時改變，我話過我唔會結婚，出面仲有咁多女，點知中咗，我知我講出嚟好冇說服力，佢出現令我想成家立室，我都34歲啦。」然後唱了寫給女友的《Saranghae》。
講完情史，側田感謝基仔與千嬅在他當新人時讓他上台演出，又特別感謝提攜他的雷頌德（Mark），他哭着說：「多謝佢八年嚟栽培我，係我伯樂、恩人，令我改變咗好多，我有個願望係整喊阿Mark。」在台上任音樂總監的Mark即說：「我家都想喊，你決定走嗰日我都喊。」兩個大男人抱頭痛哭，Mark又謂：「我覺得好多人對你好mean，感覺好嘥，香港要搵一個側田好難。啲人唔識貨，唔知你得罪人啲乜。」側田聞言即謂不是放棄香港，會每年至少回來一次。
from:
http://hk.apple.nextmedia ... art_id=14920341
