謝安琪（Kay）昨日出席亞視活動，與一班單親家庭小朋友暢遊海洋公園。對於四大唱片與無綫仍未破冰，Kay毋須出席《十大勁歌金曲頒獎典禮》，看來她毫不在意，大膽地幫亞視做事，她說：「公司冇安排要去電視台出席頒獎禮，一早就預咗今晚要飛去北京，為聽日嘅音樂會綵排，做完呢個活動就要上機。」
Kay表示與小朋友遊覽海洋公園，心情愉快，她說：「一邊行一邊同佢哋傾偈，聽吓佢哋講心事，教吓佢哋認識吓熊貓同水母。佢哋都覺得好開心，佢哋都好乖，有啲小朋友第一次嚟，有時表現得好緊張，有啲仲開心到喊，搞到我都眼濕濕。佢哋大部份都係單親家庭嘅小朋友，好少有機會同屋企人一齊出嚟玩，所以好興奮。」她覺得親子活動對小朋友很重要，她也經常帶囝囝四圍去，日前老公張繼聰生日，才與家人到過海洋公園玩。
from:
http://hk.apple.nextmedia ... art_id=14873804
