陳奕迅和謝安琪傳緋聞後鮮有同場，二人前晚一起宣傳電影《戀人絮語》。起先謝安琪似刻意迴避，陳奕迅即向她大喊「喂，你避開我咩？」可惜謝安琪當時正接受訪問，故聽不到，到後來幾經要求兩人才大方合照。
曾國祥和尹志文執導的電影《戀人絮語》前晚在尖沙嘴首映，曾志偉、陳奕迅（Eason）、謝安琪（Kay）、向佐和陳偉霆都有出席。產後未曾返港的林嘉欣則錄了聲帶恭賀導演。
Eason和Kay傳緋聞後很少出席同一場合，前晚兩人先是保持距離，後來記者要求他們一起接受訪問，大會替二人拒絕，但Eason獨自受訪時說：「我冇所謂，佢哋（電影公司人員）諗多咗啫。」有指是Kay刻意避開？Eason聞言對在附近接受電子媒體訪問的Kay大叫說：「喂，你避開我咩？」Kay沒聽見，Eason自言自語說：「人哋做緊訪問，都係唔好搞人。」
Eason又否認缺席該片宣傳，他說：「啲人話我冇宣傳，我都冇（唔宣傳），要宣傳埋林嘉欣嗰份，佢唔返嚟都啱，返嚟要俾人騷擾，又會唔捨得離開BB，畀我都唔返。」後來記者再要求他與Kay合照，Eason見Kay正接受訪問，還走到其身邊整古做怪，最後二人終合照。
樣貌變得越來越似的向佐和陳偉霆（William）首次在公開場合碰頭，85年出生的William直呼比他大一年的向佐做哥哥。談到母親向太陳嵐都謂認錯二人，向佐說：「媽咪點會分唔出個仔，係導演講錯咗咋，但我都覺得同佢有親戚感覺。」哪部位最似？William說：「眼角位，眼眉好似。」又說：「佢似我哥哥。」二人前晚沒帶女友出席，向佐說：「工作還工作，唔使一齊出現。」William即說：「我哥講咗，要聽阿哥話。」
from:
http://hk.apple.nextmedia ... art_id=14839817
