陳奕迅談康堤出國升學Eason：香港讀書難

1^# 大中小 young 發表於 2016-9-14 02:28 發短消息

陳奕迅（Eason）噚日去咗維園，以推廣大使身份出席賽馬會樂動網球活動，同場仲有財爺曾俊華，Eason喺台上玩轉球拍，笑言7歲就學網球：「以前見到林子祥、張學友打網球，覺得好有型，我就去打網球。我以前短髮，梳側邊界同孭住球袋，有啲人都認錯我係張德培。」

Eason𠵱家放大假成日做運動，除網球同羽毛球外，仲有跟黃佩霞學瑜伽，身形終有番少少輪廓：「做運動真係好爽，同埋冇壓力，其實我冇輕，都係170幾磅，以我高度，應該係150幾磅，我今年42歲，身體好似螺絲一樣會生銹。」

Eason最近積極做運動，囡囡康堤就只跟媽咪阿徐跑步。資料圖片
爆囡囡懶

Eason講到囡囡康堤唔識打網球，佢話：「公開講佢會好hurt，不過佢音樂同唱歌係好，佢手長腳長腰長，會論盡啲，懶呀，似我，所以靜態啲會好啲，佢有跟阿徐（徐濠縈）跑步，佢好自律。」提到開學，有傳康堤會去外國讀書，Eason好大反應話：「點解我唔知？香港幾好吖，唔辛苦，但係難，不過難係好，因為係好學校。去外國都想，見識嚇世界，又可以獨立，等佢中三、四，有自己朋友先。」

問到好友陳子聰康復情況，Eason就話對方好似OK，但未知幾時出院，有提議佢搵埋子聰做運動，佢話：「佢應該未得，休息嚇先。」

撰文：馮仁昭
from:http://hk.apple.nextmedia ... 160831/19754831

廷伸閱讀/相關主題推介:

相關主題:陳奕迅 eason

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-21 17:27 發短消息

Eason話霆鋒污糟

陳奕迅（Eason）獲品牌Adidas邀請做設計師，成為首位華人歌手擁有自家設計「奕」系列服裝，噚日Eason到上海出席發佈會，問到限量發售會唔會變炒貨？佢話：「我又冇諗過炒唔炒喎，賣晒就算！」佢話會送衫畀馮德倫夫婦、黃曉明夫婦同王菲，但就冇謝霆鋒份，Eason抵死話：「我怕佢成日煮嘢整污糟我啲衫，哈哈！」

撰文：馮仁昭
from:http://hk.apple.nextmedia ... 160921/19776550

TOP

3^# 大中小 young 發表於 2016-10-23 16:24 發短消息

Eason撐符致逸音樂狂熱

Eason大讚符致逸（右）有音樂天份。

陳奕迅（Eason）昨日以師兄身份現身尖沙嘴，為師弟周殷廷及符致逸舉行的記者會撐場。台上Eason大讚符致逸寫的歌曲好聽，天生有音樂感，他笑謂：「我用佢啲歌之前，冇人用㗎。」Eason笑指符致逸能為香港帶來儍氣：「佢明明有洋行高層唔做，可能太愛音樂所以辭工。」而符致逸表示當歌手後，會繼續作歌給其他歌手，更想試創作電子歌：「今日係辭工一周年，呢年真係冇收入，都要諗吓點搵錢。」

周殷廷在記者會上勁歌熱舞。

周殷廷於活動上罕有展露笑容，他說：「呢個係形象，因為笑極都唔係咁好睇，惟有決定唔笑。」符致逸爆平日亂講說話亦未能引周殷廷發笑。

採訪：盧妹
攝影：仇志德
from:http://hk.apple.nextmedia ... 160927/19782627

TOP

4^# 大中小 young 發表於 2016-10-24 20:14 發短消息

Eason北京騷禁玩手機

陳奕迅（Eason）前日在北京鳥巢舉行巡唱最終站的首場演唱，Eason於開唱前特別提到，希望觀眾不要玩手機專心欣賞：「這麼棒的演唱會嚴禁台下歌迷滑手機、煞風景，因為每個環節都是製作團隊花心思的設計，一不留意就會錯過很多小驚喜。」Eason又分享經歷兩年巡唱的最大動力：「透過音樂傳達人生態度和生活理念，演唱會帶給人歡樂、希望和溫暖。」
from:http://hk.apple.nextmedia ... 161023/19809291

TOP

5^# 大中小 young 發表於 2016-11-18 01:46 發短消息

Eason籲支持天堂鳥

陳奕迅前日到香港大學出席講座，在台上自彈自唱。互聯網圖片
陳奕迅（Eason）前日到香港大學出席「大學問」講座，有學生指現今樂壇青黃不接，自Eason之後沒巨星級歌手，Eason聞言笑問：「即係你當周柏豪係……」同學回答：「周柏豪係打籃球，籃球巨星。」Eason笑言：「我以為你話周柏豪係靚仔唔計。」

有同學指廣東歌衰落，問有何方法提高地位？Eason坦言：「我做音樂其實越嚟越自我，嚟緊我會出國語碟，大家可能有意見，我哋好坦白，點解要做，因為市場大咗好多。我覺得點解咁小家，樂壇係咪真係咁差？問我有乜做到？好簡單我覺得天堂鳥都要支持，多嘢揀係好，點解我講天堂鳥你哋會笑，我誠心覺得佢哋有付出有努力。」

撰文：皓騫
from:http://hk.apple.nextmedia ... 161110/19828296

TOP

6^# 大中小 young 發表於 2016-12-10 17:47 發短消息

Eason跳傘頭髮插教練

同老友何超儀好姊妹關係不復再的徐濠縈，同老公陳奕迅（Eason）去咗旅行，噚日Eason同阿徐各自喺社交網，上載喺外地玩跳傘嘅片，Eason仲開心留言：「I am flying!!!!!」

不過網民就話Eason個髮型先係亮點，又講笑話教練一定好想將佢啲頭髮綁起，又有人話佢個樣似「青蛙Pepe」。

撰文：馮仁昭
from:http://hk.apple.nextmedia ... 161118/19837315

TOP

7^# 大中小 young 發表於 2017-1-1 20:18 發短消息

陳奕迅讚女兒聽話

陳奕迅每年都會陪家人過聖誕。

陳奕迅（Eason）昨日到尖沙嘴出席香港血癌基金籌款活動，他跟兩位女孩將聖誕願望寫上明信片寄給聖誕老人，Eason寫上「將笑容放在任何人的臉上呀」，他覺得由自己開始笑，再感染身邊人。

一如以往聖誕都陪家人過的Eason，覺得送給太太同女兒康堤最好禮物是相處時間，問到康堤會否要求去旅行？Eason說：「佢好聽話，教得好好，唔係我教，我好free。」Eason記得有年聖誕，曾探望一位患絕症小孩，起初擔心不懂應對，最後他將想說的唱給小孩聽，他說：「音樂好直接不吞吐，又將緊張尷尬剔除。」他自覺這次經歷反而是他最好的禮物。

採訪：馬建華
攝影：葉君海
from:http://hk.apple.nextmedia ... 161213/19863215

TOP