黃婉曼及梁漢文（梁炳）昨日到銅鑼灣時代廣場出席「晨光第一線2010風雲人物大選」活動，黃婉曼成為風雲女士候選人之一，不過最後由昂山素姬登上第一位。黃婉曼表示有份入圍被朋友取笑，她說：「我啲朋友話如果畀我贏到真係冇天理呀。」
梁炳就認為心目中的風雲人物是舅父尹志強，他說：「佢為香港球壇創造咗好好嘅成績，仲有黃福榮，佢雖然係普通市民，但佢捨身救人，唔係人人都做到。」此外，對於好友吳國敬涉揮刀恐嚇鄰居一事，梁炳指現時不便評論，他說：「佢係我哋咁多人當中最唔躁底嘅一個。」對於阿敬早前於活動上自嘲自己是儍仔，梁炳說：「佢直頭係儍仔啦！」而羅啟銳、張婉婷成為風雲組合第一位，狄娜及羅君左為風雲故人第二及第三位，陳志雲的「真的假不了」為風雲金句第一位。
from:
http://hk.apple.nextmedia ... art_id=14820647
