草蜢成員蔡一智前日踏入50歲，夜晚喺大坑嘅名廚中菜館包場慶祝生日，草蜢隊友、吳君如、古天樂、容祖兒同劉浩龍、古巨基夫婦、鄭伊健同蒙嘉慧、鄺美雲、伍詠薇夫婦、關淑怡等到賀，連好耐冇見嘅鄧小艾、鄧兆尊同鄧兆榮三姊弟都出席，大家由晚上8點玩到凌晨先陸續散去，最搞笑係記者問鄧兆尊邊個生日？佢要諗一諗話：「蔡一……智。」
行到似太空漫遊
其間智仔老婆周雪芳抱住兩歲囝囝世倌落樓，原來係交畀傭人先帶囝囝返屋企，直至凌晨12點幾，賓客盡興而歸，幾乎逢飲必醉嘅梁漢文由老婆Karen陪住，搭蘇永康兩公婆嘅順風車走，飲到面紅紅嘅梁漢文行到好似太空漫遊咁，一支箭行去開司機位旁嘅車門，搞到蘇永康老婆都有啲愕然，康仔惟有叫老婆坐後座：「老婆呢邊！」同行有人幫梁漢文開車門之際，咁啱佢耷低頭，車門唔小心撞到梁漢文個嘴，佢即時黑面大叫：「行開啦！」
2.【撞到即黑面】
有人幫梁漢文開車門，結果撞到佢個嘴。
DV圖片
3.【忍痛擠笑容】
坐穩嘅梁漢文就乖乖等開車。
壽星蔡一智拖住老婆（左）同林珊珊走。
吳君如同古天樂落樓。
劉浩龍搭祖兒車
祖兒同男友劉浩龍就前後腳離開，劉浩龍先由英皇高層Alex送落樓上祖兒架車度等，兩分鐘後祖兒先出現，兩人齊齊坐掛上「JY」車牌嘅七人車離去，至於被內地網友熱烈搜尋嘅古巨基老婆Lorraine，亦有陪基仔出席壽宴。到凌晨2點幾，壽星智仔拖住老婆同經理人林珊珊步出，記者同佢講生日快樂。
採訪、攝影：吳耀輝、楊浩賢、徐錦池
關淑怡（中）孖張智霖夫婦合照。微博圖片
基仔含住粒糖同記者打招呼。
from:
http://hk.apple.nextmedia ... 150105/18991266
