自小虎隊年代後已25年沒在香港推出過唱片的林利，近日再戰香港樂壇，並請來去年熱播劇集《學警狙擊》中飾演自己女友的周海媚（海味）合唱情歌。原來今次是海味首次與他人合唱灌錄唱片，前日她專程由北京返港與林利錄音，畀足面這位「舊情人」。
在去年謝天華Laughing哥爆紅的無綫劇集《學警狙擊》中，周海媚飾演社團大佬天哥（林利飾）的女友芯姐，二人因此結為好友。近日林利再戰香港樂壇，獲環星唱片投資灌錄新碟，適逢其中有一首男女合唱的國語情歌《愛到未來》（暫名），林利遂第一時間聯絡「舊情人」海味出山幫忙。
前日海味與林利到觀塘錄音，已有多年沒踏足錄音室唱歌的海味笑言心情有點緊張，她說：「好多年前自己喺台灣出過唱片，林利打畀我問我有冇興趣，我都有啲興趣，咪玩吓囉。」海味表示現時在內地與張栢芝等拍攝電影《楊門女將之軍令如山》，檔期較難遷就，今次她也是特地請假回港錄音。早前有傳海味紅斑狼瘡症復發，對此海味否認說：「自己當日只係感冒睇醫生，喺內地睇醫生就要抽血同打藥水o架啦。」
雖然海味並非專業歌手，但前晚與林利錄音時顯得相當合拍。身為昔日小虎隊成員的林利，則表示自80年代小虎隊後已沒在香港出過唱片，他說：「之前喺台灣就有出過，呢張唱片會喺中、港、台三地推出，對我嚟講都好大壓力。」
林利續說：「舊年幫TVB拍咗套《學警狙擊》後多咗人認識，知道海味以前出過唱片，所以第一時間就諗起佢。其實以前小虎隊年代已經認識海味，佢畀我感覺係高高在上，有機會同佢合作都好開心。」
from:
http://hk.apple.nextmedia ... art_id=14790976
