現年41歲的伍詠薇與廣告界才子練海棠結婚11年，一直為圈中模範夫妻，昨日有報道指練海棠趁伍姑娘不在港時，偷嗒後生女到法國餐廳撐枱腳。記者昨日致電問伍姑娘是否婚姻現暗湧，她哈哈大笑說：「記得當日雜誌記者遞啲相畀我睇時，我都嚇一驚，好怕關自己事，我睇到係老公啲相，真係一啲都唔擔心，我對老公百分百相信，唔關死撐事，兩公婆相處咗11年，要出賣我唔係家，除非佢想同我離婚。」
伍姑娘表示沒影響夫妻關係，她說：「因為呢件事，我仲多咗老公，叫佢唔好介意，又唔使刻意減少同異性食飯，我哋兩夫妻互相信任就得。」伍姑娘昨日也在微博留言晒恩愛：「不要為我們擔心！我們依然繼續快樂的生活，直到永遠！」
from:
http://hk.apple.nextmedia ... art_id=14697955
