練海棠被爆偷食34D長髮女伍詠薇責夫：玩完要老婆執手尾

1^# 大中小 young 發表於 2016-6-17 21:09 發短消息

相關主題: 伍詠薇

現年47歲的伍詠薇（伍姑娘）於1999年嫁給練海棠，二人結婚17年，練海棠先後兩次被拍到與異性約會。昨日有雜誌拍到他早前與一名34D長髮女，匿車廂密會兩小時。昨日伍姑娘現身錄影節目時，直言「玩完要老婆執手尾」並代夫道歉，她揚言回家後將審判老公。

伍詠薇21歲時有過一段婚姻，1990年她嫁給年長30歲的會計師翁江培，婚後13日丈夫因急性心肌梗塞離世，9年後伍姑娘再嫁廣告人練海棠。生性浪漫的練海棠婚後就算被拍到與不同的異性約會，伍姑娘均會出言力撐。昨日年近半百的練海棠再被《壹週刊》拍到他載34D長髮女食飯睇戲，之後再到南灣沙灘附近，二人由車頭鑽入中排座位，在車內逗留兩小時。昨日伍姑娘現身中環錄影，她代丈夫道歉後，直言老公玩完要老婆執手尾。

【7/6　戴罩密會】

上星期練海棠被拍到與34D長髮女睇戲食飯直落，其間他更變裝兩次。

《壹週刊》圖片

【暗角拖女】

練海棠載長髮女到南灣沙灘附近，二人在車廂內逗留兩小時，練海棠送女方回家時再熱吻。

《壹週刊》圖片

伍姑娘上一次在微博貼出與老公的恩愛相，已是今年2月的生日宴。

回家進行大審判

伍姑娘昨午為有線電視錄影《伍姑娘真識食》，約2時許，她棄用老公的偷食七人車，並坐有線的專車到達。手上戴著白水晶手鏈的伍姑娘心平氣和，全程保持笑容受訪，她說：「（同練海棠）傾咗少少，我同佢講『你講一次畀我聽吖！』好平心靜氣嘅，但內容就毋須同大家交代。」她又為此事令記者及親朋好友帶來不便鞠躬道歉。

入到拍攝場地，伍姑娘再接受訪問，她謂看了新聞片段後，感覺內心頓時「噗」了一下，之後叫醒老公，要求一齊再睇，她說：「原來自己都可以好冷靜，仲要求老公講嚇發生咗乜嘢事。」伍姑娘又表示會回家再搞清事件，她說：「拍出嚟雖然係真事，我承認係真事，今次冇得走雞，所以瞭解問埋下一part，睇嚇乜嘢事，先至閂埋門處理家事。」

採訪：羅慧敏
攝影：陳俊強
from:http://hk.apple.nextmedia ... 160616/19655820

廷伸閱讀/相關主題推介:

相關主題:伍詠薇

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-6-17 21:10 發短消息

伍姑娘戴108粒白水晶保頭腦清醒審老公？

練海棠與伍姑娘今年7月1日便是結婚17周年。資料圖片
伍姑娘透露下月1日結婚17周年，與老公關係仍然好鞏固，希望大家祝他們好運，又叫老公以後要乖，她更代老公向大家道歉：「佢（練海棠）要佢太太走出嚟，自己玩完泥沙就要老婆出嚟同佢執手尾，我代表練海棠同大家講聲唔好意思。」伍姑娘表示稍後回家會做大審判，她說：「我問佢有冇嗰啲（曳曳）先，就好似我做節目問人有冇嗰啲先。如果講完成段漂亮嘅說話，原來有做嗰啲嘢嘅，咁我就冇嘢講㗎喇。」但她補充指絕對信任老公。

對於伍姑娘手上的白水晶手鏈，堪輿學家麥玲玲昨日接受訪問時，指白水晶有助增強智慧：「睇伍姑娘個繞法，應該係有108粒珠，除咗催運，仲可以用嚟念經用。至於白水晶有淨化、消解雜念提升人嘅智慧，增強人嘅分析力同頭腦清醒。線尾縛咗幾粒綠晶，有旺事業、健康同增強正能量作用。」
from:http://hk.apple.nextmedia ... 160616/19656028

TOP

3^# 大中小 young 發表於 2016-6-17 21:10 發短消息

【曾一拖三】練海棠兩次偷食斷正

《壹週刊》圖片
伍詠薇與練海棠還有半個月就滿結婚17周年，伍姑娘自言二人關係鞏固。除日前暗交34D長髮女，其實年近半百的練海棠憑口才了得，至少有兩次被揭發「偷食」前科。2010年，他趁老婆不在港，中環夜會嫩女食燭光晚餐（圖），更公然摸手仔，被揭發後，伍姑娘死頂表示結婚11年，老公才第一次被偷影，解釋純友人間食飯，謂自己依然幸福。事隔兩年，練海棠又趁伍姑娘往上海拍劇，他一拖三位妙齡少女坐七人車去紅磡包廂嘆日本菜。
from:http://hk.apple.nextmedia ... 160616/19655828

TOP

4^# 大中小 young 發表於 2016-6-17 21:10 發短消息

嫁翁江培13日變寡婦

伍姑娘於1989年嫁給比她年長30歲的翁江培，婚後13日翁江培病逝。

伍詠薇性格大情大性，但處理婚姻問題卻以包容解決，其實她情路不算平坦，1989年參選亞姐後，翌年以21歲之齡嫁給年長30歲的會計師翁江培，新婚僅13日，翁江培因急性心肌梗塞逝世，伍姑娘背上寡婦之名。

1999年，伍姑娘與廣告人練海棠一見鍾情，二人相識8個月便閃婚，她曾於2009年接受本報專訪，直言練有「掃狐功」抗老公桃花：「出面太多誘惑，要打低狐狸先生同狐狸小姐，我老公好浪漫，好易誤導女仔，我太野性，吸引男人唔奇，但要令人欣賞你，唔會出軌。我哋相處要分享誘惑、坦白、包容同畀大家空間。」

撰文：唐如
from:http://hk.apple.nextmedia ... 160616/19655824

TOP

5^# 大中小 young 發表於 2016-6-17 21:18 發短消息

審完老公坐偷食車宣主權伍詠薇頻呻好攰

伍姑娘昨日坐老公的「偷食戰車」到銅鑼灣化妝扮靚。

現年47歲伍詠薇（伍姑娘）的老公、年近半百的練海棠，被《壹週刊》拍到他以七人車接載長髮女到南灣，在車廂內密會兩小時。剛巧伍姑娘前日為有線錄影節目《伍姑娘真識食》，即成為追訪對象。伍姑娘雖然怪責丈夫「玩完要老婆執手尾」，但仍很大方代夫向記者及親友鞠躬道歉。昨日伍姑娘再次出動為《伍》節目進行錄影，不過今次她選擇坐回老公用來偷食的七人車到場，以宣示主權。

仍戴婚戒

前日伍姑娘棄七人車不坐，改坐有線電視的車接送。昨日早上11時半左右，她跟一名女性友人坐回老公的「偷食戰車」抵銅鑼灣利舞臺，為下午錄影節目化妝扮靚。伍姑娘戴上口罩以素顏上陣，前日曾揚言回家會審判老公的她，經過一晚後，一見到記者即雙手合十鞠躬，未待記者發問，她已搶先回應說：「噚日答完所有問題，我唔會再講，唔該晒你哋先，辛苦晒！」

這輛價值約90萬的七人車，正是練海棠早前用來約會長髮女的車（右圖）。

經過一晚跟老公練海棠詳談後，伍詠薇昨日心情明顯大好。

伍姑娘錄完節目後挽着男士的手臂離開。

想去旅行

上樓前，伍姑娘再多次雙手合十，而手上仍然戴着婚戒。下午大約1時，換上紅色外套的她離開髮型屋，並豎起兩隻手指公說：「唔答！唔答！」之後轉到土瓜灣錄影節目。

昨日伍姑娘跟堪輿師蘇民峰一同錄影節目，她笑言不會叫蘇師傅贈兩句，她說：「瞓得好好，我照常生活，一切如常，開心嘅！」她透露節目添食要拍到7月底、8月中，所以要改期旅行，她說：「今年未出過門，自己都好想去，（同老公）未諗去邊，淨係好攰、好攰，想離開香港break一break。」伍姑娘錄影到下午5時40分離開，問到有雜誌報道有姊妹勸她離婚，她笑笑口反問：「你咁黑心㗎，邊個姊妹呀？雜誌嗰本呀？冇咗好耐啦！」

採訪、攝影：徐錦池、畢紹基
from:http://hk.apple.nextmedia ... 160617/19657155

TOP

6^# 大中小 young 發表於 2016-6-22 20:11 發短消息

老公偷食伍詠薇急搵掛龍母燈保佑婚姻

口裡說不，行動卻很誠實……47歲嘅伍詠薇(伍姑娘)下月就係佢同老公練海棠嘅結婚17周年，不過老公提早畀伍姑娘一個「驚喜」，早前被周刊影到佢同一個34D長髮女去睇戲、撐枱腳，兼揸七人車去南灣沙灘車廂相聚2粒鐘，事後伍姑娘表示要閂埋門瞭解吓，又承認片中人就係佢老公，更代老公道歉。

昨日有周刊指，伍姑娘就去荃灣龍母廟求神保佑，掛龍母燈喺廟中間，據知係好友袁詠儀(靚靚)一向參拜龍母，伍姑娘亦都有隨行，未知係唔係好友靚靚教佢點keep住兩公婆份情咁恩愛!!!

據知，龍母信仰源自肇慶悅城，相傳是育有五條小龍的老婦，屬水神之一。龍母信眾以女性為主，有龍母廟設有龍床，供神休息，不少信眾亦會撫摸床鋪，認為有求子功用（新聞連結：http://bit.ly/28KZlhX）。

而伍姑娘回覆《蘋果》話：「唔係因為呢件事掛，每年新年後就掛燈，一百個善信，係先到先得，龍母燈係可以保家宅平安、身體健康，我掛咗3、4年、唔關事呀，年年新年我去祈福，好多藝人都掛，我同阿靚（袁詠儀）係鐵腳。」
from:http://hk.apple.nextmedia ... 160622/19664224

TOP

7^# 大中小 young 發表於 2016-6-30 22:38 發短消息

34D長髮女拖喼走人伍姑娘頭家保得住

伍詠薇嘅老公練海棠前排畀周刊踢爆同34D長髮女喺車廂密會兩小時，事後伍姑娘直言「玩完要老婆執手尾」兼代夫道歉，仲話返屋企會審判老公。

畀足面老公嘅伍姑娘，閂埋門處理家事，一直都冇再講呢件事，但係昨日有周刊報道，當日伍姑娘喺人前硬撐個老公，查實發生呢件事，有邊個人真係接受，所以返屋企都喊咗一場。

有知情人士仲話伍姑娘同老公講，如果佢真係鍾意呢個34D長髮女，唔介意退出成全，知衰嘅練海棠連日嚟都好努力o氹老婆，仲話以後會檢點啲。

呢位34D長髮女聽講佢為咗呢件事，搞到連工都唔敢返，仲收到指令叫佢離開香港避一避，點知喺上周六俾人影到佢拖喼離開屋企，嗰陣佢表現狼狽，話當晚冇發生任何嘢，亦都冇搞人哋屋企，不過講到喺車廂發生乜事，佢就全程避談，最後見走唔到，仲即刻掉頭返咗屋企！
from:http://hk.apple.nextmedia ... 160624/19666902

TOP