有翻版大S之稱的李莉琳（Liz）早前聯同梁筠兒（Bambi）和蔡瑩瑩（Ivy）拍攝公司月曆，三位身材惹火的o靚模今次收起性感，Liz反串做男生食大雪茄，她笑說：「扮男仔當係磨練演技，除咗高度之外，我諗我man得嚟幾有型o架，最多唔好企喺度影相囉。」
Liz近日於內地拍新戲《宅男總動員》，與鍾鎮濤、譚耀文、鄧麗欣及蘇永康等合作，演間諜替宅男追女仔，她說：「我個角色係好搞笑嘅，導演話我肯不顧形象，臨場加咗好多戲畀我，其實拍戲係唔可以怕醜，要放盡啲，睇嚟我都有啲演藝細胞o架。」談到大S閃電結婚，有翻版大S之稱的Liz表示羨慕不已，她說：「我家得23歲，唔諗結婚住，努力工作先，希望將來可以有大S嘅成就。」
from:
http://hk.apple.nextmedia ... art_id=14616170
