有翻版大S之稱的美少女廚神Liz李莉琳和Bambi梁筠兒，早前到旺角一人氣甜品店擦餐勁，她們不理會要喼弗，竟失控狂食。原來兩人準備下月底推出烹飪書，當日以偷師為名，滿足口腹之慾為實。
最想拍戲
曾參加美少女廚神爭霸戰的Liz，將與好姊妹Bambi合作推出烹飪書，目標讀者是單身年輕女士，Bambi說：「大家日日都要食飯，我哋目標係年輕人，同埋全部都會係簡單易整嘅食物。」Liz則說：「我哋會將食譜簡單化，因為好多餸菜其實都有好多唔同嘅煮法，希望大家煮完有成功感。」
以o靚模身份入行的兩人，對未來充滿憧憬，Liz說：「最希望可以拍戲，其實自己乜都想試，最好有機會拍藝術啲嘅電影。」曾在演藝學院讀書的Bambi則說：「希望可以拍劇或者拍戲啦，因為覺得好得意，最想好似千嬅咁，因為我鍾意笑得好開心，又可以令其他人開心。」
from:
http://hk.apple.nextmedia ... art_id=13342632
