有翻版大S之稱的李莉琳（Liz），近日與另一模特兒梁筠兒成為一甜品店代言人，早前二人在柴灣拍攝宣傳相，首次穿古裝拍攝的她們大呼好玩，還互起花名，Liz是秋香，梁筠兒則是春香。
Liz謂希望將來可拍古裝劇，她說：「古裝衫好靚，飾物又好睇，如果拍古裝劇，我好想做《宮心計》麗妃嘅角色，做奸可以有多啲發揮，而且令人深刻印象。」她又稱任何產品的廣告也想拍，但最希望闖電影圈，她說：「我好鍾意睇戲，如果有得演就好，就算有啲唔係大投資嘅戲，我都想試吓。家公司都有安排我去試鏡，希望可以快啲跳上大銀幕。」
至於廚藝了得的梁筠兒則希望可推出食譜，她說：「我最鍾意整蛋糕，我睇書學，好多同事都讚好食。」
