楊千嬅昨日在理大的「午間打氣音樂會」為理大醫療及社會科學院學生打氣，老闆林建岳現身支持還捐出30萬給該學院做發展基金。千嬅即場獻唱兩首歌，當她唱新歌《斗零踭》時，音調無故被推高幾度，她唱到一半忍不住說：「嘩，搞乜個key升高咗？呢個key係男仔唱。」雖然唱到青筋暴現，幸力保不失，她說：「真係台上三秒鐘，台下十年功，好彩平時有練功，真係好似考試咁，好滿意自己表現，唔係發生呢種事，都唔知自己進步咗咁多！」
談到12月擺酒大宴親朋，千嬅說：「等丁生搞，我聽日仲要去台灣拍MV。」李家傑借肚生仔，一索三男，千嬅會不會考慮？她說：「人哋喜事要恭喜，不過我想經歷個過程，呢種係親子關係，家高齡產婦好多，唔到我擔心！」
from:
http://hk.apple.nextmedia ... art_id=14599599
