黎耀祥、毛舜筠、李司棋等無綫處境劇《天天天晴》演員，昨日在屯門黃金海岸拍煞科戲，朱慧敏扮演大肚角色，至於現實何時結婚產子，她說：「仲未，但同男友有共識。」毛姐宣佈暫停拍劇生涯，會先放一年長假，以家庭樂為主，她說：「未來幾年電影、電視都唔會拍住，離開無綫廿年，再返去開足兩年工，丟低晒屋企，都覺得好辛苦好夠，要畀自己休息吓。」
祥仔昨日則有太太陪伴開工，他對自己主演《義海豪情》充滿信心，但認為晚上8點半時段較蝕底，希望結局可以破《大長今》紀錄，還說：「今次播放結局係星期日，係好時期，而且劇出街後評價好好，我好有信心。」有消息指祥仔拍劇時為減肥被太太施壓冇啖好食，他說：「太太唔係咁難為我，粥水半年吊命咩？」
from:
http://hk.apple.nextmedia ... art_id=14599577
