廚神蘇玉華主持的無綫新節目《和味蘇》後晚播出，昨日她在尖沙嘴舉行記者會，嘉賓陳國邦和太太羅敏莊出席打氣。會上播出節目片段，首集由王祖藍和嘟嘟鄭裕玲做嘉賓，第二集嘉賓則是林保怡。
阿蘇表示在節目中會揸車四圍搵食，早前她與王祖藍去大浪灣有機農場拍外景，又與嘟嘟往餐廳開餐，她說：「嘟嘟話食乜都冇所謂，只係唔想去農場同曬太陽。」阿蘇主意多多，笑說：「我想搵蔡瀾、Amanda S.同埋黃宇詩煮聖誕大餐，搵阿姐（汪明荃）同羅家英做冬去老人院食團年飯，或者新年去天水圍同啲少數族裔食飯，去監獄同啲囚犯團年，但唔知得唔得。」節目共15集跨年播映，有否考慮如《蘇Good》般添食？她說：「言之尚早啦。」
from:
http://hk.apple.nextmedia ... art_id=14579355
