與潘燦良講明唔生B蘇玉華：出年就結

蘇玉華和潘燦良拍拖18年，有傳女方買樓逼婚，兩人明年拉埋天窗。資料圖片
現年46歲的蘇玉華跟有「劇團王子」之稱的舞台劇演員潘燦良相戀18年，有指去年兩人到日本旅行，阿蘇獲男友求婚，事後她回港即開心分享，潘燦良有份主演的港視劇集《來生不做香港人》近日口碑不錯，人氣急升，有指阿蘇乘勢明年拉埋天窗。

「享受𠵱家嘅關係」

兩個月前，阿蘇被發現到馬鞍山睇新樓盤「迎海．星灣御」，有報導爆料她即時入票豪擲750萬買下一個單位，準備豪宅做新婚愛巢，貼樓向男友逼婚。記者昨致電阿蘇求證，她笑笑口說：「報導啲用詞有限，逼都唔會18年先嚟逼，我好享受𠵱家嘅關係，我認定對方係伴侶。」難道阿蘇不恨嫁？她直言：「唔係好恨喎，名份值幾多錢，我哋未有確實日子，屋企人又冇催婚，畀我好大自由度，我不嬲都好獨立自主。」

有傳阿蘇出年結婚？她沒否認：「會啩，唔排除玩即興，冇話求咗婚，出年就結。」夢想婚禮，會旅行形式嗎？她說：「講唔定。」

潘燦良日前做跟得男友，陪女友蘇玉華家人家庭樂。《忽然1周》圖片

阿蘇否認購買馬𩣑山新樓盤，她聲稱當日只陪朋友去看。資料圖片

潘燦良有份主演口碑不錯的港視劇《來生不做香港人》而彈起。劇照
潘：做適當嘅事

阿蘇表示不打算生BB，所以沒擔心怕做高齡產婦。阿蘇也否認買下「迎海．星灣御」，她說：「我嗰日陪朋友睇箒，冇買，我自己住間屋係自己嘅。」就阿蘇逼婚傳聞，潘燦良昨日透過短訊力撐女友：「當然冇逼婚呢回事，大家覺得適當時候就會做適當嘅事箒。各位朋友有心當然多謝，但不必多心了！」

採訪：楊定

阿蘇潘燦良屢傳喜訊

【恨嫁之路】
蘇玉華跟潘燦良拍拖18年，不時傳出二人結婚消息，至今年9月女方自爆男友已求婚。

09年

傳出蘇玉華跟拍拖13年的潘燦良已成婚，不過事後二人否認其事。

11年4月

蘇玉華被問到何時考慮生B？她即豪言表示自己隨時ready，因為BB是上天給她的禮物。

去年

蘇玉華於訪問中，表示覺得未有結婚需要，並指兩個人走在一起，最重要是能找到彼此間的默契，及如何快樂地相處。

今年9月

蘇玉華出席活動時，豪言其主演的劇集只要收視過40點便即結婚，又自爆男友已求婚。有指阿蘇恨嫁，故才出言逼婚。

上月

蘇玉華於活動上坦言隨時準備好結婚，又指男友潘燦良「走唔甩」。
from:http://hk.apple.nextmedia ... 141225/18980344

來生是否再做香港人，還是留待下一世才決定，不過做了20年舞台劇演員的潘燦良初嚐拍劇滋味後，卻恍如過了另一段人生，對於獲得網民讚賞，更被高登絲打捧為『最想下嫁嘅男人』，阿燦坦言從未預計有這個反應，他笑說：「我估唔到咁熱烈，以前都好少睇（網上留言），直到有導演編審send條link畀我先知，編劇好成功，其實呢套劇本身唔係講中港矛盾，設定喺兩地分隔咁多年嘅姊妹，生活之中面對係人同人之間關係嘅問題，將呢啲分隔兩地嘅小衝突，擺咗喺呢套戲裏面。因為咁貼身，所以先會令觀眾一路睇一路好有feel。」

與蘇玉華相戀多年的潘燦良近日傳出今年內會拉埋天窗。資料圖片

潘燦良曾在不少舞台劇中演出，更與萬梓良大鬥演技。資料圖片
會繼續拍劇

入行20年的阿燦，今次轉投電視框演出，他直言覺得感覺新鮮又刺激，不過為何事隔多年才有這嘗試，他說：「我啱啱畢業試過鏡，係佢冇話簽我，而我又入咗話劇團，加上以前同電視台冇乜機會接觸到，佢哋有自己旗下藝人，唔會刻意去搵外人拍，所以冇乜人會留意你係邊個。」

相信會繼續拍劇的阿燦仍然愛舞台，更指電視劇好劇本難求，他說：「好似今次拍劇，有啲人好期待我去拍，但係有啲人唔想，佢哋覺得做舞台好似矜貴啲。不過我覺得放低越多，得到越多，拍完呢套戲我試到觀眾個口味，亦都享受咗工作流程。第一次拍劇遇到咁多好對手同團隊，觀眾又鍾意，真係好難得，我好彩遇到，最後連觀眾都好鍾意，好感恩。」

作為一個土生土長的對香港仔，阿燦並不否定中港交流，但仍希望保留多點本土色彩，他說：「呢個唔等於要獨立，北京、上海同廣州，都係屬於一個國家，但係佢哋都有自己嘅特色，所以香港應該都有自己特色，我哋已經有百幾年殖民地嘅歷史背景，呢個唔可以否定。好似我喺香港出世，你問我嘅話，能夠包容係明白點解你哋係咁，但係你話要我變成你哋咁，又或者要你嘅嘢變成我，我諗我唔會接受，我覺得應該係大家能夠尊重對方，畀大家一個空間，唔一定係唔係你死就我亡。」

撰文：何慧斯
from:http://hk.apple.nextmedia ... 150103/18989516

蘇玉華同男友潘燦良噚日喺上環出席舞台劇《胎內》記者會，套劇五月喺牛棚劇場演十五場，每場最多坐到九十個觀眾，阿蘇話：「每場座位好珍貴，同觀眾好近距離，自己好鍾意。」

劇中蘇玉華演潘燦良情婦，佢哋本身拍拖十八年，上年求婚成功，但一路冇講幾時結婚，阿蘇話：「冇實在計劃，會唔會有呢日唔知，如果結會話畀大家知，我哋鍾意即興。」

撰文：馮仁昭

馮仁昭
from:http://hk.apple.nextmedia ... 150212/19038305