雖然被指是狂抄外國多套原創連續劇，但無綫新劇《讀心神探》口碑和收視仍然不錯，昨日一班演員在海港城宣傳谷收視，男主角林保怡因病缺席，由黃宗澤及陳茵媺主持大局。一班演員玩膠紙接吻估真兇，又用身體各部份轉筆，認真搞鬼！不過，最搞鬼都是性感搶鏡的梁政珏，一件透視通花裙，打底三點式泳衣即原形畢露，認真出位！梁政珏說：「呢件衫喺日本買，我好鍾意o架！上次經理人話我宣傳着得太普通，所以今次咪着靚啲囉！」
提到跳水皇后郭晶晶被紅外線偷拍三點盡露，梁政珏說：「紅外線好耐之前都有，但係單新聞係咪真o架！係咪用電腦整，不過如果人哋有心做乜都會影到！」黃宗澤則認為政府要加強管制立法，他說：「唔係話淨係女仔，男女藝人都會擔心，行行吓街變受害人，咁樣係侵犯私隱同人權，政府應該正視！」
from:
http://hk.apple.nextmedia ... art_id=14537314
