我喊足50次！真實對白
聽到記者問義海豪情《義》劇，陳法拉即刻笑晒，仲話有機做視后，不過佢都好謙話：「冇諗過，只係希望收視好！」
年尾又係TVB小生花旦爭獎時候，齋睇現時形勢，似乎視帝視后兩個大獎，已係《公主嫁到》嘅陳豪同佘詩曼嘅囊中物。
不過攞獎講勢頭，《公》劇個勢未必捱到台慶，反而18號首播嘅台慶劇《巾幗梟雄之義海豪情》，唔只食住《巾幗》條龍脈又夠劇力，反日背景仲食正家釣魚台事件。視后隨時有變，鄧萃雯上年攞過，今年冧莊機會唔大，反而劇中第二女主角陳法拉，除咗喺劇中做大悲友由頭喊到尾，仲喺劇中為救家人而向日軍獻身，喺鏡頭前除裙、開胸大解放，實行靠喊靠露同阿佘鍊過！
阿佘《公主嫁到》hit爆，不過頒獎禮到12月先舉行，keep唔keep得到個勢絕對影響賽果，阿佘再攞視后未穩陣！
週日（3日）《公主嫁到》大結局，最高收視45點，阿佘再攞視后高唱入雲，不過氣勢跟劇走，嚟緊18號台慶劇《巾幗梟雄之義海豪情》，未上已令人期待，好戲之人鄧萃雯上年攞過視后，今年再攞機會唔大，反而第二女主角陳法拉，戲分由頭帶到尾分分鐘跑出。
電爆o架仔《義》劇主線鐵膽依然係鄧萃雯加黎耀祥。不過新加入嘅第二男女主角陳法拉、黃浩然一樣搶鏡，呢pair除咗有感情線外，劇中法拉仲不停催淚，身患心漏病外，仲不時被日軍欺負，仲要犧牲色相。
雖然早前有報道指，法拉已「升呢」為薛太，禁止一切親熱戲分，不過今次喺劇中亦再度破例，先於16集被胡定欣設局，差點被日軍輪姦，之後在23集亦因為要救家人，主動剝衫向日軍獻身。法拉為拍呢場戲，更以tube top上陣，跟足劇情，着埋超短褲上陣。
「我係獻身」除咗《義》劇法拉夠搶，論累積分數法拉亦唔比其他花旦輸蝕，她今年孭起5套劇，其中《誘情轉駁》同拍緊嘅《女拳》未出街。
週一（4日）法拉為《女拳》開工，問到佢《義》劇夠搶，法拉即時四萬咁口：「拍呢套劇好辛苦，我個角色比較sad，同黃浩然感情線幾浪漫。係有被日軍蝦，不過我只係獻身，冇被姦，嗰啲都唔叫性感啦！係劇情需要。爭視后？冇諗過喎！只係希望收視好！」
30集足本睇本刊率先攞到《義》劇30集定稿，單睇劇本雖然有字冇畫，劇情拍得住《巾》劇。
三女被姦
第23集法拉除裙
《義》劇宣傳片上，陳法拉為救家人响漢奸黃智賢面前除衫，不過到正式拍攝，日本軍官就換咗係戴耀明。而法拉亦照除，不過就由衫換上西裙。耀明話：「法拉着咗tube top同短褲囉！嗰場戲好簡單o架咋，我最後都冇侵犯佢！」
劇情雖然交代法拉將裙除到落地，但其實鏡頭只係交代吓就算，你估法拉真係除晒咩！
第20集雯女屈姦殺人
鄭九妹（鄧萃雯飾）為清除少佐（李嘉飾），於是同大佐（金剛飾）透露，少佐想強姦佢兼想殺佢，令大佐信以為真，之後殺咗少佐。
第12集
胡定欣被鬼輪
華（胡定欣飾）在上海歌舞廳做歌女時，與九妹（鄧萃雯飾）爭執時晦氣地說曾被兩鬼佬輪姦。其後（16集）差點被日軍強姦。
《義海豪情》關係圖
5女爭視后除咗阿佘同法拉之外，仲有3強鍾嘉欣、米雪同楊怡，不過3人都係陪跑居多。
楊怡
《鐵馬尋橋》
《不速之約》
《談情說案》
米雪
《五味人生》
《女人最痛》
鍾嘉欣
《公主嫁到》
《蒲松齡》
《老友狗狗》
率先爆《義海》高潮位《巾幗梟雄之義海豪情》係上年《巾幗梟雄》班底，監製李添勝、編審張華標再度合作，今次《義》以1940年代日軍侵華做背景，除咗睇法拉被日軍蝦之外，其實劇情亦吸引，加上食正釣魚台事件掀起反日情緒，幫晒《義》劇搭棚，想唔hit都難。本刊為你率先解開《義海》高潮必睇位！
祥仔喺戲中係神槍手一名，做過捕快、老闆、撈偏、抗日戰士。每個角色都好有壓力，連祥仔自己都話：「你會見到我成日黑口黑面！因為個角色好沉重。」
上次《巾》劇有大量金句，其中「人生有幾多個10年」超hit，但《義》劇就唔會有喇。祥仔話：「監製添哥話今次想紮實啲，所以冇金句。」
黎耀祥被活埋《義》劇講日軍侵華，黎耀祥（劉醒）同鄧萃雯飾演的鄭九妹，二人除咗喺呢個大時代掙扎求存，仲為國家打o架仔，變民族英雄。飾演正直差人後變抗日戰士嘅祥仔話：「真係咁啱撞正啦，我最記得有場講我俾o架仔埋落坑，我真係冇用替身，成個人跳落去個坑，然後被接近半米沙蓋住幾分鐘，諗起都驚！」
睇劇照，見祥仔攬實雯女，以為佢哋係情侶，查實《義》劇同《巾》劇一樣，祥仔同雯女最後都只係好朋友，冇發展成情侶。
5角關係劉醒（黎耀祥飾）同趙冬妮（江美儀飾），原本係夫妻，可惜因劉性格火爆，加上冷落妻子，而劉妻與同鄉梁非凡（麥長青飾）更曾酒後糊塗發生一夜情。之後梁更不時從中作梗挑撥劉趙夫妻關係，令夫婦關係變差，搞到趙背夫偷漢。另外，鄧萃雯飾演鄭九妹，經常同日軍有生意上來往，九妹性格硬朗，令日本軍官向山鐵也（金剛飾）相當傾慕。而劉醒與九妹多次共患難亦漸生情愫，5角關係，錯綜複雜。
40年密友
《義》劇入面祥仔、雯女，2人關係時敵時友，雯女有時仲會利用吓祥仔。
江美儀飾趙冬妮做祥仔老婆，但之後搭上梁非凡（麥長青飾），佢話：「我第3集出場，我冇死，不過就做衰女人。」
祥仔戴綠帽
《巾》劇敖嘉年憑必文彈起，但今次喺《義》劇飾排骨仔，就冇咁搶，反而麥包仲搶過佢。
金剛中雯女
金剛除咗係大奸角，喺16集出現，佢話：「我有10集戲分，我最記得場戲要講廿幾句日文，仲要喊，真係好難！」
身世之謎大毒梟之女鄭九妹（鄧萃雯飾）從事賭場生意，深得父親鄭朗軍（岳華飾）器重，可惜後來被鄭朗喜（謝雪心飾）得知九妹並非軍親生，於是聯同養子鄭少康（黃智賢）設計揭發九妹身世，可惜事敗，反而令九妹有機出招，父親對己更加信任。
雯女今次由20歲做到80歲，飾演性格剛烈大毒梟之女，角色亦正亦邪，唔睇到最後都唔知佢係忠定奸。
《義》劇預告片上黃智賢原本飾演軍官，但最終「升呢」變為謝雪心養子，一齊諗計揭穿雯女身世。
心姐繼續上次大奶奶奸人角色，繼續同雯女鬥餐死，不過胡定欣都唔弱，佢差點累法拉俾日軍強姦，到時睇吓觀眾覺得邊個奸啲。
胡定欣飾馬麗華，為雯女金蘭姊妹個女，所以雯女對她相當照顧，故定欣話：「我係雯女嘅弱點嚟，之後亦會做咗岳華嘅老婆。」
日記傳情劉晴（陳法拉飾）為劉醒（黎耀祥飾）之妹，與楊陽（黃浩然飾）青梅竹馬，可惜晴礙於自己有心漏症而未敢向陽示好，只在日記上寫上對陽的感情，及後被陽發現日記，二人才開始交往，呢段日記傳情戲，好感人o架！
陳法拉今次最突破，除咗被日軍蹧躓，仲要28歲扮18歲，認真考演技喎！
法拉扮18歲
黃浩然飾楊陽，同法拉做情侶，同祥仔一樣係差佬兼鄰居，佢話：「套劇戲分唔少，試過幾次60個鐘冇瞓過，不過都值得！」
堅睇劇本
《義》劇亦似之前《家好月圓》常在心（鍾嘉欣飾）和管家仔玩日記傳情。
