明年結婚的準新娘Amanda S.昨日以模特兒身份行婚紗騷「預演婚禮」，她坦言有點感動。近日為婚事煩惱的她，下月會再到意大利物色婚禮場地，Amanda愛夫情切透露零禮金以及不計較家用，現時同居生活男友已負擔接近一切開支。
名模Amanda S.自從宣佈與意大利籍男友Christian訂婚後，工作即旺起來，昨日現身尖沙嘴The Mira行婚紗騷。作為準新娘的Amanda穿上婚紗行騷，如預演婚禮，她也不禁笑說：「有啲感動。」問她有否為婚禮找婚紗珠寶等贊助，她說：「都有聯絡，試多啲，先有多啲感覺，珠寶方面我就想戴啲大粒啲鑽石，不過太大粒，又要有保安在場。」Amanda更表示朋友不需送賀禮，希望她們折現捐作慈善用途。
Amanda透露剛從羅馬回港，她說：「為咗搵婚禮場地，10月會再去佛羅倫斯、托斯卡納、羅馬，日子未定好。」問到她媽咪有否向男家傾禮金，她說：「意大利人唔興，我冇計，我嘅咪即係佢，佢嘅咪即係我，成個婚禮嘅費用已由Christian負責，佢父母喺佢一出世，已經開戶口每個月幫佢儲錢，佢家都34歲，應該有足夠錢。」
記者再問到家用時，Amanda也一副賢妻口脗笑言：「我哋平時一齊住，佢好generous，乜費用都差唔多佢畀，我只係買餸自己負責出錢。」
from:
http://hk.apple.nextmedia ... art_id=14492113
