佘詩曼、黃浩然和李詩韻等無綫劇集《公主嫁到》演員前晚在荃灣出席慶中秋活動，與fans整燈籠及玩選駙馬遊戲。三名男觀眾參賽要瞓地做運動，其時穿着短裙的阿佘站在他們旁邊，主持姚樂怡見狀即提醒她說：「着短裙唔好企喺度，行開啦。」阿佘才恍然會被看到裙內春光，隨即行開。
阿佘事後表示中秋要開工，同劇的林峯在片場請食壽司，她說：「我呢個月返工日日有月餅食，今晚返去唔玩喇，第二朝06（即早上六時）開工，之前同媽媽過咗節。」問其母有否催她找男友？她說：「冇，反而婆婆96歲就想見到我結婚，呢啲嘢唔係單方面，可以嘅我都想承諾佢。」
黃浩然則謂跟家人已吃過飯，問可有生仔打算？他說：「都想盡快有，不過今晚返去唔得，聽朝要開工出外景，驚中暑呀。」
from:
http://hk.apple.nextmedia ... art_id=14482365
