唐寧、關心妍和鄭欣宜等昨日到海港城，出席周刊的慈善活動。早前宣佈婚訊的唐寧以一身黑色打扮到場，被問到婚禮的安排，她說：「一切從簡啦，應該同家人、朋友食餐飯咁。我哋都覺得喺香港註冊冇問題，一公佈嗰刻真係舒服晒。」提到很多朋友以為她婚後會息影，唐寧說：「梗係唔會，有得做到80歲都會照做。」
欣宜明顯更見消瘦，她說：「其實我想再瘦，瘦多十零磅就差唔多，但係塊面唔可以再瘦，媽咪話過，女仔塊面有肉先有福氣。」問到中秋可會約父親鄭少秋晚飯時，她說：「唔會喇，不嬲都唔興咁做，同埋要趕錄碟，會拒絕所有人探班，因為想認真啲做好佢。」
