Dino混血B，唐寧奀皮仔鬥萌

1^# 大中小 young 發表於 2014-5-30 12:00 發短消息

相關主題: 混血唐寧

唐寧、Soler成員Dino昨日各自帶兒子現身中環4號碼頭，出席illuma的親子活動，同場還有不少媽咪級名人如余思敏、蔣怡等人。唐寧的三歲仔俊俊最好動，不時周圍走，精力十足，而Dino的歲半兒子夏恩知則最為可愛，有爸爸的混血靚仔因子，拖實黃泳霖細仔做老友。唐寧笑言囝囝是奀皮仔一名：「踏入三歲好奀皮，要將佢啲精力散得夠，好彩有屋企人幫手，總之唔危險都會由得佢跌嚇。」

Dino囝囝甚受歡迎，曹敏莉（右）忍不住向他「搭訕」。

Dino囝囝與黃泳霖（小圖）兒子(左)一見如故成老友。

唐寧指兒子俊俊好精力，難得有耐性合力種盆栽。

鄭中基是緊張爸爸

唐寧透露現正努力追多一名小朋友：「努力中，仔女冇所謂，女就perfect，等佢多個弟妹，一對一有壓力，𠵱家個仔開始踏入戀母期，見到我換衫出門口就會黐住，要同佢溝通，先捨得俾我返工。」此外，余思敏透露女兒將近三歲，將會為她入K1作準備：「返學前班係輕鬆啲，到K1嚴謹啲，唔可以唔返學，爹哋比較緊張，有少少事叫唔返，佢喺內地拍戲見到我傳畀佢個女喺跑步機扶手玩嘅片，即WhatsApp嗰家庭群組叫爺爺、爸爸、媽咪唔好。」問到她鄭中基溺愛囡囡，她是否要飾演奸角，她表示：「爹哋say no時都唔會做，父母某程度要立場相同。」

傅珮嘉輕吻三歲仔Jasper，兒子即騷鬼馬錶情。

余思敏踢爆鄭中基是緊張爹哋。
from:http://hk.apple.nextmedia.com/entertainment/art/20140530/18737082

廷伸閱讀/相關主題推介:

相關主題:混血唐寧

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-7-17 10:36 發短消息

Dino鄭文率先親子教育

Dino帶同太太及囝囝與史諾比齊齊跑出香港。

孖仔組合Soler的細孖Dino與歲半囝囝Damiano及老婆、鄭文與三歲女兒Sabrine昨日率先到海港城與巨型史諾比合照。Dino及鄭文特意在訪問前為他們「補課」，Dino說：「我唔想佢睇完就算，所以都有畀少少史諾比漫畫佢睇。」鄭文更認為這是一次很好的親子活動。

鄭文與女兒昨日率先與巨型史諾比合照，順道享受親子樂。

Dino笑謂認識史諾比是初做音樂的時候：「27、8歲左右，因為我監製有好多好多史諾比嘅嘢，我覺得好多古仔都係畀大人睇，好多背後意義。」鄭文也是史諾比漫畫迷。

採訪：盧妹
攝影：陳慧安
From:http://hk.apple.nextmedia ... 140716/18801464

TOP

3^# 大中小 young 發表於 2015-5-18 14:37 發短消息

Dino發力追仔「太太有咗5個月」

Dino同老婆追仔成功，一家三口開心迎接小生命降臨。

今年娛樂圈喜事重重，馮仁昭收到風孖仔組合Soler成員Dino，繼兩歲半混血囝囝Damiano之後，成功再追仔，今年9月將榮升第二任老竇，噚日Dino接受電話訪問興奮宣佈：「太太有咗5個月，呢胎都係囝囝，生埋呢個夠啦，唔追啦。」

Dino原本一個夠晒數，但就被雷頌德（Mark）改變咗主意，佢話：「舊年幫港台做主持，訪問阿Mark傾起我得一個囝囝，佢話最好生兩個，如果大咗父母唔喺度，有兩個會好啲，我同太太傾完趁仲追到就生多個，囝囝都好開心就嚟做哥哥。」

Damiano精靈可愛，俾內地節目睇中邀請父子檔演出。

考慮拍《爸爸3》

Dino嘅囝囝Damiano精靈可愛，之前行貓步搶盡老竇風頭，據知內地節目《爸爸去哪兒》第三季想邀請Dino父子檔上陣，Dino承認：「節目一直對我哋有興趣，自己都有避忌，因為佢仲好細，不過都會考慮吓，因為分分鐘可以幫助佢學習新嘢，應該都會做。」問囝囝係咪要學普通話？Dino話：「節目唔一定要國語，如果要求我哋講國語好奇怪，應該會用番英文。」

撰文：馮仁昭

馮仁昭
from:http://hk.apple.nextmedia ... 150514/19146407

TOP

4^# 大中小 young 發表於 2016-3-23 17:27 發短消息

Dino彈結他

Dino教仔有方，經常帶囝囝親親大自然。

組合Soler成員Dino日前和老婆Nancy帶同兩名兒子到台灣宜蘭，為有線拍攝節目《帶阿B去旅行》，一家四口入住民宿，上山又落田。Dino教育孩子有自己一套方法，經常和兒子行山，留意大自然，讓他們知道世界如此大，自己亦不會錯過兒子成長的每一刻。

Dino又分享和兒子最溫馨的時刻，他說：「每晚我都會彈結他講古仔𠱁佢瞓，囝囝會跟住唱，呢個係我哋最close嘅時刻，我知道當佢大咗就唔會再同我瞓前唱歌，所以我好珍惜呢段時光。」

撰文：陳以晴
from:http://hk.apple.nextmedia ... 160306/19518164

TOP

5^# 大中小 young 發表於 2016-5-6 15:59 發短消息

Dino開騷爆褲鏈

Dino（右二）開騷前發現爆褲鏈，臨時用扣針扣着。

關楚耀、Soler和林曉培前晚九龍灣Star Hall舉行音樂會。關楚耀唱了一首契爺譚詠麟的《一首歌一個故事》即場送給母親，Soler的Dino台上被發現爆褲鏈，臨時找來兩個扣針頂住。Dino說：「上台前先發現，其他褲又襯唔番個造型，所以用兩個扣針扣住，令我同觀眾都安全啲。」關楚耀笑說：「佢係勁到爆。」Dino尷尬說：「我係開心到爆。條褲着咗全日，係去廁所之後拉唔番，我已經將個結他不停放前面。」而Dino的太太和囝囝都有到場支持。

林曉培表示最近忙於寫一本關於焦慮症的書，她說：「因為自己生病好過來之後又復發，令到自己很好奇，希望跟大家分享自己病況和當時影響及傷害的人，這是一個很殘酷的真人騷。」

採訪：盧妹
攝影：陳志嵐
from:http://hk.apple.nextmedia ... 160429/19590453

TOP

6^# 大中小 young 發表於 2017-1-1 21:21 發短消息

Dino扮怪獸

Dino（右）與Julio昨日出席電影活動自言都喜愛Iron Man。

久未露面的男子組合Soler昨日在銅鑼灣出席電子產品聯乘電影《復仇者聯盟》的活動，二人也喜歡Iron Man，成員Dino指自己兩個兒子也特別喜愛這個人物，他笑說：「兩個仔有乜事都做Iron Man招牌手勢。同佢哋玩，我一定係做怪獸，開槍一定係我死。」

Soler表示聖誕節會與家人慶祝，因Dino外母會到澳門，兩家人會一起過。Julio指近日忙於籌備明年3月於澳門舉行的畫展，展出的畫主要是水彩畫，他說：「到時預計會展出十五幅畫，暫時完成咗三幅。」

採訪：王連連
攝影：仇志德
from:http://hk.apple.nextmedia ... 161220/19870551

TOP