唐寧日前接受專訪時表示，今年一月誕下女兒之後，現在正積極瘦身。攝影：葉君海
【維基解密之驚慄單元】港視冇免費牌、冇規範、冇限制，題材可以無上限，觀眾可以隨時睇，恐怖驚慄新劇《驚異世紀》夜晚黃金時段可以一家人睇，夜闌人靜亦可以一個人攬住枕頭遮住睇。九集共有八個單元，八種不同的嚇人橋段，網上有人說怕怕不敢睇，不過，唐寧和菁瑋覺得不怕又有甚麼好睇？所以，最好應該是找個情人攬住睇。
撰文：楊潔雯
羅樂林因早年無綫同期播出多套他在戲中要死的劇集，令他試過一日要死5次。《布衣神相》劇照
投放過百萬，用超過9個月時間搞電腦特技，目的只是想觀眾睇到嘩嘩聲，果然預告片一出，網上嘩聲四起，甩頭、爆腸、劏肚、爛面等挑戰電視尺度的畫面，成功製造話題，再次挑起一班認為港劇已死的觀眾歸位，《驚異世紀》演員唐寧和菁瑋日前接受本報專訪大吐苦水，爆《驚》震撼畫面背後的種種辛酸。
利是收到手軟
唐寧劈頭第一句話「我第一次喺一套劇入面死咁多次！」所以，拍《驚異世紀》的時候，唐寧不停收利是，她笑說：「因為我哋拍戲嘅人有呢個習俗，拍死戲係要收利是，所以今套劇收咗好多利是，死咁多次，唔記得真正死咗8次定9次，如果計喺一套劇入面死得最多，我係死得多過囉囉攣（羅樂林）！」唐寧每一集都要死，又真是大吉利是，她笑住說：「因為套劇有好多小故事，我哋每個人都要分飾好多唔同嘅角色，每個小故事會用原班人馬去演，我哋會鬥死，鬥死得多同死得慘烈，所以我哋每次開工通常會問今集你使唔使死？今集邊個死？對演員嚟講係過癮嘅，真係可以喺一套劇入面同一班演員做唔同嘅角色，有時我同你有關係，有時同佢有關係，真係幾過癮。」
【第3集 下咒而死】
唐寧在《驚異世紀》入面除死過很多次外，還有不少恐佈大頭鏡頭，紅流披面。劇照
【第4集 遭夫捅死】
【第8集 中槍身亡】
浸水由晚到早
菁瑋在第一個單元「寄生獸」被寄生蟲生劏致腸穿肚爛，躺在廁所的死狀恐怖，她憶述當日拍攝腸穿肚爛場口：「有一場見到我爆腸，如果你敢睇嘅話，真係我拍過一場最臭嘅劇，嗰吓真係臭到接近暈咁滯，真係非常之精采，本身我唔食內臟，所以真係要克服，不過拍出來效果OK，當係一個新嘗試，可以有咁嘅經驗都係一個好好得着。」除了爆腸，唐寧和菁瑋再數爆船墮海事件，菁瑋說：「爆船炸船都好震撼，我哋浸咗成晚，嗰晚好凍㗎！我哋真係拍到睇日出，由日落拍到日出。人哋睇到就好似涼浸浸，浸落水就唔係嗰件事。」
唐寧附和說：「浸到半夜，開始覺得自己好似冇乜生命迹象咁，因為身體開始冰冷。」
唐寧（右）和菁瑋在《驚異世紀》有不少對手戲，可能不是你死就我亡。
菁瑋慨嘆在《大眾情性》要露肉，在《驚異世紀》就要露腸。劇照
From:
http://hk.apple.nextmedia ... 150508/19139344
