文詠珊（Janice Man JM）獲老闆黎明封為「模Art」，同公司的李治廷（Aarif）因緣際會跳進電影圈，二人首次在新戲《為你鍾情》結片緣。JM在戲中奉獻多個第一次，在堤壩與Aarif相擁一幕，最令二人刻骨銘心，雖然對愛情充滿憧憬，但他們卻從不強求，只會默默等待緣份出現。
李治廷與Janice Man在郭子健執導的新戲《為你鍾情》裏飾演一對情侶。求學時期，當上媽媽的JM，一次意外被冰封了20年，蘇醒後始發現女兒衞蘭已長大，整個世界也變了。
Aarif首次與JM合作，他坦言初相識時，第一個感覺她是一位靚女，合作後才發覺她也是個玩得之人，JM也說：「我最深刻係佢聲線，好有才華，音樂同電影都好有天份。」他們表示最深刻是在堤壩相擁一幕，實在太Sweet。在這個意境下，可會真的愛上了Aarif？JM望一望身旁的他，靦腆的說：「畢竟太老友喇，係要全情投入，對佢感覺亦好Sweet，演員係要培養默契。」
一個年輕貌美，一個才華洋溢，二人又會否是對方那杯茶？Aarif笑說：「講緣份啦，5年前問我拍唔拍戲，我都會話唔好喇，點知啱劇本又開始拍戲。」JM則笑說：「有才華梗係好，會令個男仔更Charm同加分，但都係睇緣份。」JM表示戲內難忘的事太多，第一次挺着假肚演孕婦，首次化特技妝扮演被冰封，她說：「全身黐滿冰碎都用咗4個鐘，因為講我蘇醒後好似機械人咁，我太耐冇講嘢，我就夾硬咳到沙聲，嗰晚即喉嚨痛，第二日就病咗。」
JM跟老闆Leon首次合作，Leon是20年後的Aarif，但卻變成了露宿者，JM坦言起初跟老闆合作也有壓力，之後就越來越放鬆。JM與衞蘭在戲內演母女，提起二人傳過不和，JM說：「我一入公司已經傳，我哋唔會Care，佢係好開心嘅人，成個family都好sweet，我都好鍾意聽佢嘅歌。」
from:
http://hk.apple.nextmedia ... art_id=14435054
