甄子丹首拍搞笑片，將與他合演《至強囍事》的古天樂，目前在上海拍攝由葉偉信執導的新版《倩女幽魂》，剛過去的周日他演出一幕動作鏡頭時，不小心弄傷右腳的十字韌帶，因當時情況不算嚴重，該片又趕着埋尾，故古仔沒有回港醫治，堅持繼續開工，沒想到昨日再拍一場動作戲時，令其傷勢惡化，照過X光後，醫生已證實古仔的右腳韌帶嚴重撕裂，並叮囑他返港就醫。
記者昨日致電古仔，他說：「家隻腳向前行冇問題，向後轉彎唔得，照完啲X光片，我有送返嚟香港畀骨科醫生睇，醫生話十字韌帶幾乎斷咗，要求我即刻返香港醫，但《倩女幽魂》月底先埋到尾，家我走咗去，佢哋好大鑊，所以仲行到就幫佢哋埋咗尾先返香港醫，我諗休息一排就冇事。」
from:
http://hk.apple.nextmedia ... art_id=14383468
