模特兒莊思敏最近一次過接受了隆胸及勾雙眼皮兩項手術，令她32A的身材一日之間升為32C，自信即時與cup一齊飆升，昨日她與林莉出席婚紗設計比賽時，狂晒假大胸擊敗林莉，即時成為全場焦點，莊思敏表示不會因身材升cup而將工作焦點放在胸部，更大拋「屋企有米唔代表要派米」的金句，升cup後果然口氣也相當大。
莊思敏昨日於灣仔為青年婚紗設計比賽行騷，是她整容隆胸後首個工作，她示範了三套婚紗，其中一套更幾乎跌了大半個胸出來，與之前A cup的她差天共地，而眼皮則仍未消腫。她說：「家傷口仲未拆線，覺得重咗，唔係好習慣，條腰又好易攰，朋友都想摸吓同試吓（隆胸）。」問她是否覺得模特兒界很多人都需要隆胸？她即說：「行內有啲人好叻用nude bra同墊，但我唔叻，我只係將外置嘅嘢內置，方便啲，有乜事可以拎返出嚟。」不過男友吳浩康仍未見過整容後的莊思敏。
莊思敏續說：「傷口仍未消腫，偏硬，朋友都想摸吓，家手感似健康球，拆線後仲要去美容院按摩一個月。」之前莊思敏經常批評o靚模只懂賣弄身材，又說她們是乳模，現在卻講一套做一套？她說：「我之前唔係針對身材好嘅人，只係佢哋嘅工作焦點只放喺胸部，身材好唔代表要將焦點放喺胸度，屋企有米唔代表要派米。」
至於風頭被搶的林莉就非常欣賞莊思敏C cup身材，林莉稱在後台換衫時見她胸部又大又挺，記者問林莉會否效法去隆胸，她說：「唔會，接受唔到，我覺得自己夠用，我sell骨感，已經盡晒力，冇得再勁。」
from:
http://hk.apple.nextmedia ... art_id=14351624
