擁有32B咪咪的o靚模曾麗儀（Debby），笑靨有着千億新抱徐子淇的影子，她近日為催谷即將面世的妄攝寫真集《inside》，不惜自製模擬施暴片段上載YouTube，意識大膽，片段熱爆網絡外，更惹來公眾圍插，但EQ甚高的「B Cup子淇」Debby懶理惡批，她日前換上性感比堅尼嬉水作樂。
有指Debby的模擬施暴片段踩界，她淡定解畫說：「我最初拍呢條片主要係想宣傳寫真集，唔係有心教壞小朋友，我拍之前都有諗清楚，我絕唔後悔。我冇預計到外間有咁大迴響，咁我又可以從中吸取到經驗，下次會做得更好。」Debby又反駁，指該片段對比其他YouTube片段簡直小巫見大巫，她說：「YouTube嘅片好大自由度，我條片真係唔算激。」
片段中的Debby，一副楚楚可憐相，她笑言純粹發揮演技，希望將來有機會獲導演看中登上大銀幕，並指片中的她與現實真我個性完全相反，Debby說：「我真人唔係啲咁懦弱嘅女仔，我幾剛強o架。」
對於近日黃秋生用性工作者揶揄o靚模，Debby回應：「佢本身係我尊重嘅前輩，我會接受佢嘅意見，但如果要用性工作者批評o靚模，真係偏激咗少少，模特兒係會影性感相，但唔代表佢哋一定做不道德交易。」Debby支持一同拍寫真集的好姊妹Kinki提議銷量大賣便相約出埠裸泳慶祝，Debby說：「如果成班人去都OK，佢哋除我咪除囉！」
B Cup子淇Debby現時工作為重坦言不恨效法正版嫁入豪門，她說：「將來另一半唔使好有錢，佢對我好，係孝順仔就得。」
曾麗儀（Debby）
年齡：22歲
三圍：32B、24、34
身高：5呎3吋
體重：97磅
工作經驗：曾拍渣打銀行、維他奶、Pizza Hut和迪士尼廣告
from:
http://hk.apple.nextmedia.com/te ...462&art_id=14284508
