學徐子淇影相時要搵條
頂住個下顎！真實對白
叫Debby 學徐子淇影濕身相，佢完全冇托手踭，一埋位就自動波抄足李太個半開合嘴唇，「我唔介意用翻版徐子淇接job ，我嘅baby fat 就似足佢生完BB 後個樣添啦。」
徐子淇前年嫁給
基主席李兆基細仔李家誠，由model 仔搖身變千億新抱，港女恨到流晒口水。
闊太有樣睇，個樣似足徐子淇的模界新星Debby （曾麗儀），就跟足徐子淇條路喺模界密密搵銀，Debby 最近仲俾迪士尼睇中邀拍迪士尼「黑色世界」宣傳短片，而今年20歲的Debby 話計劃去外國進修升派頭，分分鐘成為下一個千億新抱讀埋個碩士入豪門，大家等住睇吓呢條釣金[龜方程式係咪使得吓！
抄條
仲未榮升為
基兆業千億新抱前，徐子淇做嘢都搏到盡，喺bikini 、濕身、凸點乜都試過。《忽然1周》圖片
Profile
姓名：Debby （曾麗儀）
年齡：20歲
學歷：中五畢業
身高：5呎2吋
三圍：32、23.5、33
工作：新天城婚紗硬照、迪士尼黑色世界網上宣傳短片、Neo-Derm 、坐即廋、Asana 瘦身膏、加州紅TVC 。
正版《忽然1周》圖片
老翻
Debby 學足子淇，喺沙灘影相都擺番個跌戒pose ，濕晒身都冇所謂，不過佢就話唔敢奢望搵到個千億身家嘅老公，「係人都羨慕啦，不過你估真係咁易咩。」
Debby 有份拍嘅迪士尼「黑色世界」宣傳短片只會喺網上播放，當中仲要交足戲：「個導演要求我扮驚同狂嗌，一共拍咗30幾個鐘，要好有想像力先做到。」
《蘋果日報》圖片
身形輸蝕嘅Debby 只局限拍硬照，行catwalk 完全未夠班，「最想接多嘅TVC 同平面廣告，如果可以好似Janice Man 咁出騷做嘉賓仲好添啦。」
Debby 雖然話好羨慕Janice Man 但就唔覺意寸對方得5呎6吋唔夠高，「我而家先知原來身材輸蝕都唔緊要，時機到一樣可以咁紅。」
