徐子淇生夠宣佈封肚

1^# 大中小 young 發表於 2015-10-15 19:13 發短消息

相關主題: 徐子淇

恆基千億新抱徐子淇最近為李家添丁，日前她接受週刊訪問坦言會封肚，並說：「生BB唔難，我都好享受陀B嘅感覺，但係教小朋友要好多心機，所以要用心照顧小朋友，而且𠵱家我都覺得好滿足同圓滿。」她亦透露初步計劃在明年1月為囝囝舉行百日宴。

徐爸爸昨現身馬場時，即被恭喜再度抱孫。

徐子淇的爸爸徐傳順昨日現身沙田馬場時，聽到大家恭喜再抱孫榮升公公，徐爸爸拱手道謝，被問到BB是否靚仔，徐傳順回應：「OK呀！」隨即揮手道別匆匆入場。同場的陳君宜被問有否探望好友，她說：「呢排我自己作病，就算同囝囝都要儘量隔離少接觸，所以未有機會同子淇嘅BB見面。」她亦稱近期比較忙，未有瞭解子淇的囝囝何時舉行百日宴，所以未準備禮物。

採訪：張俊銘
攝影：仇志德
from:http://hk.apple.nextmedia ... 151011/19328675

廷伸閱讀/相關主題推介:

相關主題:徐子淇

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-10-15 19:24 發短消息

徐子淇要細仔執二攤

剛產子的徐子淇昨在Ig貼圖，大晒品牌送的手袋。

恒基千億新抱徐子淇日前再為李家添丁，誕下B仔李建熹，連同之前所生的二女一子，湊夠兩個「好」字，她已透露四個夠晒數，封肚不再生。

現正坐月的子淇昨在Instagram貼圖，原來她獲品牌送手袋，相中的她一副索靚媽模樣，果然極速收身keep得好。子淇留言呼籲品牌及朋友們不要再送禮物給BB：「多謝好多朋友送禮物畀BB，不過唔想太縱佢哋，哥哥已有好多玩具同衫仔傳畀BB，希望你哋將呢份心意轉贈畀其他小朋友，發揚愛心。」子淇更提議可以捐去她一直支持的智行基金會及夏橋，送去其他關於小朋友的慈善機構，子淇雖有千億夫家背景，都要求孻仔執哥哥二攤，環保又慳家，真抵讚！

撰文：唐如
from:http://hk.apple.nextmedia ... 151012/19329472

TOP

3^# 大中小 young 發表於 2015-10-27 17:39 發短消息

徐子珊黑超擋月光

子珊大方露笑容，相反幾個朋友就有啲尷尬。

【上環】徐子珊效力無綫11年，上個月接受本報訪問時終於承認同無綫已經冇約，仲話未有去向，會先讀一個珠寶設計課程。噚晚7點幾，記者喺上環荷里活道發現子珊同3個女友人一齊，當時子珊準備行去攞泊咗喺街邊嘅車，幾個女仔就分別幫佢手拎住幾袋嘢。

雖然天已黑齊，但子珊唔知係咪怕自己太閃，所以仍然戴住黑超，不過佢仲好好眼力，一眼就見到有記者影相，仲向鏡頭方向揮手，反而幾個女友人就表現尷尬，同佢道別後拿拿聲走人！

採訪、攝影：徐錦池、梁繼光
from:http://hk.apple.nextmedia ... 151023/19343423

TOP

4^# 大中小 young 發表於 2015-10-27 17:51 發短消息

徐子淇晒細仔瞓覺萌樣

徐子淇昨在Ig大晒細仔建熹的瞓覺萌相。

千億新抱徐子淇本月初為老公李家誠誕下第四名兒子建熹，昨日她又在Instagram上載囝囝新照，留言：「Baby looks like mama when he is asleep（BB睡覺時的樣子很像媽咪）」，她和老公分別抱着囝囝，李家誠抱B照刻意製成黑白效果，突出了子淇的抱B相更富色彩感，而相中的建熹在媽咪懷裡微笑入睡，趣緻可愛，五官精緻。

囝囝遺傳了爹哋李家誠的高挺鼻。

而李家誠抱B照，子淇就留言謂：「And looks like papa when he's awake（醒來時的樣子似爸爸）」眼仔睩睩的建熹BB，遺傳了李家的高鼻子。

撰文：炎炯炯
from:http://hk.apple.nextmedia ... 151025/19346361

TOP

5^# 大中小 young 發表於 2015-11-27 20:56 發短消息

徐子淇着純白Alice+Olivia冬裝晒袋為慈善

千億新抱徐子淇，早前再為李家添丁，誕下孻仔李建熹，更收了不少名牌禮物，真係好葡萄！早收過Miu Miu、Prada同Tory Burch手袋，在instagram公開多謝品牌。

上周未子淇就坐完月帶B仔行街買玩具，孭住Tory Burch做奶粉袋，前日她又出po，不過今次就為慈善出力，子淇在ig大晒$2千多元的Me Char皮clutch，並呼籲大家轉發有關Me Char的照片，為母親的抉擇作籌款，子淇就趁近日天氣轉冷，換上Alice+Olivia的白色冬裝拍照，剛剛生完BB後已火速修身，不愧為千億新抱！

Me Char是由澳門前特首何厚鏵囡囡何芓諄創立，早前開設pop-up store，劉嘉玲同賭王四太都撐。

更多時尚新聞，即上：http://add.appledaily.com
from:http://hk.apple.nextmedia ... 151114/19372799

TOP