模界殺出一班新血，各出奇謀爭食，尤其大時大節當前，眾
模鬥搏鬥露搵客路。
入行唔夠半年、只得20歲的Debby （曾麗儀）挾住「翻版徐子淇」個朵，最近以餅印千億新抱之勢狂接job ，上週率先被星爺「點燈」，在其尖沙咀商場「Gi Mall」發圍，拍住
神趙碩之、㗎奀星木村乃等做嘉賓，一星期內以超平騷價$3,000連接4個job 。上週四為本刊拍性感照的她，今次唔抄「子淇跌戒」，話要做番自己，大口氣話有電影公司斟簽約添，實行密食頂爛
模市場。
剛簽了Pure Model 為全職model 的Debby(曾麗儀)，原來之前正職係普通文員仔一名，她踩入模界是希望搵夠錢去外國讀書，「呢幾年希望可以豁出去儲多啲錢，然後去美加讀書，徐子淇都係讀完書返嚟先入到豪門啦。」
憑有7分似李太徐子淇，拍婚紗平面廣告入行的Debby(曾麗儀)，得5呎2細細粒，靠甜樣必殺技躋身
模行列。之前只局限拍平面及電視廣告的她，自從起朵「翻版徐子淇」後，工作接唔切。
踩星爺場
上週一（27日），Debby(曾麗儀)為星爺的尖沙咀「Gi Mall 」做宣傳：「雖然星爺冇直接搵我，不過個場係佢，我都開心啦！當日有好多身材好好嘅女仔，好似趙碩之、木村乃等，所以我專登著對高踭鞋突出自己。大會仲畀我哋任揀商場入面嘅貨品添。」講嘢仲係好
妹仔囉！
模有市，萬聖節（31日）當晚，Debby 亦有宣傳活動，另外週日（2日）仲為江若琳師弟組合Square 做新碟發布會嘉賓，Debby(曾麗儀)仲透露最近有電影公司斟簽約：「當然拍廣告酬勞多啲，宣傳效用又大啲，不過出騷就可以接得頻密啲囉。我都好鍾意拍戲，當然有機會我都會試啦。」
四吋踭睇齊
上週一，Debby(曾麗儀)被星爺尖沙咀的Gi Mall 邀請做嘉賓，仲有限額俾佢任揀場內產品：「我最後揀咗鞋同袋，第一次去呢類型活動，好好玩。」
《蘋果日報》圖片
同場仲有趙碩之（左二）、官恩娜（右一）、戴夢夢（左三）等，Debby （右二）就話自己有啲怕醜，仲話其他女仔身材超好，要出術著4吋高踭鞋。「我淨係同咗木村乃同可嵐（右三）傾計，其他人唔熟就冇啦。」後生女要主動啲先得㗎！
平女神9成
在
模界急彈起，不過據知Debby(曾麗儀)以筍價$3,000接騷，跟
界女神Angelababy 、Janice Man 的3萬騷價，有九成差價好抵用，似頂爛市喎？「我都希望有日好似佢哋咁高身價，但暫時冇諗過要坐地起價，始終而家競爭咁大，亦唔介意以『翻版徐子淇』個名接job ，有嘢做我已經好滿意啦。」
唔怕喎，當年女神都係由幾百蚊龍女價起家，肯搏肯做實有市場，下一步學李太讀飽書就自有黃金屋喇！
剛從加拿大放假回港的Debby(曾麗儀)即連接4個騷，下星期會去馬爾代夫影旅遊相，早前佢喺印度工作就出現皮膚敏感，呢日影相以比堅尼上陣仍然白滑，「喺印度忍咗一個禮拜返香港先敢睇醫生，最緊要唔好影響工作啦。」
網友驚艷
有電車男心水清，早在今年8月尾的電腦節已激讚Debby 似足徐子淇，仲索過堅貨。唔少龍友在網上狂讚佢靚。
陪企Game Girl
在今年08電腦通訊節，Debby 幫LG 企足6粒鐘做show girl ，佢就話唔多慣：「都係第一次做呢啲展覽，俾好多人圍住影，都幾驚㗎，下次都唔一定會接喇。」想當年動漫Maggie 都係咁樣俾人圍上位啫。
模未驚過
彈起Debby 以超筍價$3,000接騷，幾位
模Chrissie 、Kama 、趙碩之和龔嘉欣就話冇有怕，最緊要做好自己企穩陣腳。
Chrissie （周秀娜）
「對我嚟講冇影響，唔同客戶要求又唔同，價錢亦唔一樣，我都會繼續增值自己學嘢。」
趙碩之
「暫時唔覺得有咩威脅喎，因為大家形式唔同，最近少咗接model 嘢，反而拍劇、電影令我知名度大好多。」
Kama （邦民女）
「我睇雜誌先知佢（Debby ）係邊個，幾靚女。唔擔心會受威脅，個客鍾意你自然會畀合理價錢㗎啦。」
龔嘉欣
「我哋TVB 藝員性質又唔一樣，公司會幫我哋傾合理價錢。唔係價錢低就影響到我，一分錢一分貨啊嘛。」
[
本帖最後由 young 於 2008-11-4 20:04 編輯 ]
