戴思聰桃李滿門，不少曾當紅的歌手跟他學過唱歌，鄭嘉穎和陳曉東（東東）一度是他最寵愛的徒弟，惜後來因利益問題鬧不和，昨日嘉穎從記者口中得知戴思聰心臟病發入院後，他還是很關心戴思聰的病情，得知戴思聰還在深切治療部，嘉穎說：「雖然我唔係咁清楚佢病況，但我希望佢可以早日康復。」他們兩師徒於06年因合約問題起爭拗，幾乎對簿公堂，幸無綫介入才平息事件。
至於陳曉東得悉戴思聰病危後也表示震驚，他昨日在電話中說：「我知佢眼同腰唔好，唔知佢有心臟病，暫時又未搵到佢家人，已經send咗message過去，希望老師吉人天相，快啲冇事出院。我家喺北京，會安排吓返香港睇佢。」
此外，曾與戴思聰女兒戴蘊慧拍拖的吳國敬，昨日在電話中說：「佢家入咗院就唔方便探佢住，希望佢可以快啲好番先探佢。」阿敬指印象中沒聽過戴思聰患心臟病，他說：「始終係人命，如果呢幾日行過廟，我會同佢祈福。」
from:
http://hk.apple.nextmedia.com/te ...462&art_id=14251118
