全球矚目的2010南非世界盃，隨着今日凌晨荷蘭決戰西班牙而畫上句號。昨日，港、台兩地靚女紛紛出席各大小商場活動，以性感姿態瞓身催谷這場終極一戰。
其中台灣幫黑澀會美眉成員大牙和Apple，昨晚親到商場唱歌跳舞助興兼陪球迷通宵睇波，本地薑百果園E神陳靜和趙碩之等等拋胸落力宣傳。就連阿Sa蔡卓妍昨日舉行簽唱會，也以世界盃決賽做主題大搞噱頭。
百果園E神陳靜和李莉琳（Liz）昨晚於黃埔出席世界盃活動，與球迷熱身迎接凌晨大戰，其中陳靜以低胸荷蘭戰衣上陣，而Liz則以斜膊西班牙球衣應戰。今年世界盃期間陳靜因人氣急升而頻頻出席商場騷搵真銀，她坦言：「呢段期間我搵咗多一倍嘅錢，希望之後都仲有工作，唔好冬眠。」
知名度大增會否有人邀請出席飯局？陳靜表示早已聽聞，她聲言很久以前有人接洽，陳靜表示：「試過有兩、三次，但我都推咗。我知呢啲係快錢，但我家都好輕鬆咁搵到快錢，況且呢啲唔係錢嘅問題，係個人價值觀。」陳靜強調要自食其力。
from:
http://hk.apple.nextmedia ... art_id=14229189
