在模特兒界打滾多年的何紫綸，近日升呢做老闆，開模特兒公司之餘，還辦星模大賽吸納人材，她旗下第一代徒弟，正是星模大賽的三甲。何紫綸謂絕不讓徒弟成為「喺商場行泳衣騷無啦啦趴地」的o靚模，會將她們訓練成高貴有內涵可以為大牌子行騷的真正模特兒。
何紫綸（Ann）任職模特兒多年，近來發展事業做老闆，開設模特兒公司Aspect，專門教授儀態及行路姿勢等技巧。早前她更舉辦星模大賽，三位勝出者成為她的第一代徒弟。早前Ann帶同三個徒弟接受訪問，冠軍Alison Lee更親手繪畫答謝師傅。
近年o靚模盛行，何紫綸卻堅拒讓徒弟走o靚模路線，她日前說：「我唔要佢哋做o靚模，佢哋要上到大台，行到大牌子嘅騷，一定要佢哋好grand。家啲o靚模下下都性感，性感唔係唔得，但要睇場合同埋要健康啲，唔係喺商場行泳衣騷無啦啦趴地。同埋呢三個徒弟好有內涵，有啲識樂器，有啲識繪畫、唱歌同跳舞。」她又謂希望公司稍後可進軍內地市場。
from:
http://hk.apple.nextmedia ... art_id=14221064
