何紫綸茶餐廳影婚照

何紫綸（Ann）下月1號結婚，將在金鐘香格里拉酒店筵開32席，早前一對準新人去到日本沖澠影婚紗相，最近他們在香港再影多輯相，昨日Ann接受電話訪問說：「因為我未來老公屋企人以前做茶餐廳生意，佢對茶餐廳，尤其係對蛋撻有情意結，呢一輯為佢而影有啲懷舊嘅感覺，同沖繩嗰輯唔同，呢輯係型格啲，所以特登揀呢間茶餐廳係旺角嘅係好舊嗰啲。」

撰文：非非
from:http://hk.apple.nextmedia ... 151027/19348596

屬圈外人的新郎哥比較怕醜，僅願意錫老婆面珠。

曾與張栢芝胞弟張豪龍拍拖的34歲模特兒何紫綸（Ann），昨與拍拖2年的飲食業男友Gary Lam在港島香格里拉舉行婚禮，筵開32席，並請來前女子組合Freeze成員陳樂榣擔任姊妹團。新娘子Ann昨穿上deep V露背婚紗、戴上3卡鑽戒跟老公切蛋糕及合巹交杯，記者要求二人錫錫，但怕醜的新郎哥僅願意錫老婆面珠。

婚禮花7位數

Ann受訪時透露婚禮花費7位數字，並以紫色作佈置，她昨日所穿的婚紗及老公禮服自己也有份設計，並大爆自己昨日是真空上陣。Ann說：「我同老公本身係朋友，之前覺得唔會同呢個人拍拖，點知真係拍咗拖，我鍾意佢識煮嘢食，同埋佢約我出街嘅話好準時，會提早成半個鐘到，好有誠意。佢個人比較靜，我就比較嘈，一凹一凸啱晒。」Ann表示婚禮大部份都是老公安排，其間雙方曾為小事爭吵，Ann說：「可能老公覺得我工作壓力大，叫我唔好插手。」問斟茶期間可有感動落淚？她說：「流淚度過，我有4姊妹，自己最細，孻女孻心肝，個個家姐送我走都流住淚，自己都好開心。」

何紫綸昨日穿上deep V露背婚紗，下嫁拍拖2年的飲食業男友Gary。

陳樂榣做姊妹賀何紫綸。

何紫綸獲由陳樂榣等組成的姊妹團陪出嫁。

未有計劃造人

說到玩新郎遊戲，Ann透露老公要錫和舔條尿片，又指老公即場用詞語砌愛的宣言，十分搞笑。老公可有感動到喊？Ann說：「反而求婚嗰陣有喊，今日佢好緊張，成日左騰右騰，叫一齊影相都好緊張，真係唔係好慣。」問到何時生BB時，Ann謂：「遲啲先，因為今年真係好攰好多嘢做，出年想去多啲旅行休息吓，所以後啲先生BB，渡蜜月就明年先去。」Ann指老公擔心她身體健康，所以未有催她生B，她說：「自己身體好差，想調理吓。」此外，昨晚婚宴賓客多以圈外朋友居多，圈中友好就僅得莊端兒等人而已。

採訪：盧妹　
攝影：陳俊強、陳順禎
from:http://hk.apple.nextmedia ... 151102/19356236

身穿中式裙褂的何紫綸與男友Gary前日拉埋天窗。

34歲模特兒何紫綸（Ann）跟拍拖兩年的飲食業男友Gary Lam前晚在港島香格里拉酒店舉行婚禮，新娘子Ann身穿自己設計的deep V露背婚紗，流露幸福滿足的神情，在婚禮上Ann更收到很多由長輩們送出的金器，可謂珠光寶氣。

新婚的Ann昨日透過WhatsApp接受本報訪問時說：「噚晚婚禮好感人，喺致辭嘅時候，原本諗住忍住唔喊，但最後都係忍唔住喊咗出嚟，因為見到老公好感動咁讀誓詞，所以好感動。」Ann又續說：「因為何紫綸唔係我嘅真名，所以喺婚禮上好多人突然知道我嘅真名（何佩嫺），個個都笑我同大叫我嘅真名。」

採訪：非非

何紫綸前晚在婚宴上換上紅色晚裝與張致恒及其女友合照。

區文詩（右）前晚出席婚禮祝賀好友何紫綸。
from:http://hk.apple.nextmedia ... 151103/19357369