近年o靚模當道，令不少模特兒的飯碗不保，受影響的莊思敏昨日接受新城電台訪問時，透露將會簽王晶旗下的電影公司轉戰影圈，她更句句有骨地鬧o靚模不如叫乳模或胸模，今年也有出旅遊書的莊思敏，更狂呻被o靚模拖累不能在書展宣傳新書。
模特兒莊思敏昨日接受新城電台的訪問，她向記者透露將有新發展，她說：「我會簽王晶嘅電影公司，如果合作得好唔介意簽一生一世。」
問莊思敏轉型是否怕了o靚模？她即表現激氣，句句有骨地說：「家啲o靚模搞到模特兒好似夕陽工業，佢哋繼續用好多藉口辯駁，好有問題，o靚模唔係年紀細，係不合標準，如果講細，熊黛林同杜鵑都係80後，不如叫（o靚模）做乳模或者胸模，因為佢哋需要長期散熱，開始令人討厭。」
莊思敏今年也有推出旅遊書，但因貿發局禁止o靚模在書展宣傳而備受影響，她說：「我都贊成政府唔畀o靚模入書展嘅做法，咁多人去書展，分分鐘出意外，我出嘅旅遊書連泳衣相都冇，雖然受影響，唔入書展宣傳都可以賣書。」
此外，莊思敏的胞妹莊思明，有份參選今屆港姐，早前被指為連串港姐爆料事件的金手指，原因是胞姊為圈中人，莊思敏澄清與她無關，她說：「關我乜事，我都係出新聞先知，我都唔識啲佳麗，我妹唔係金手指，佢都係比賽先識佳麗。」
from:
http://hk.apple.nextmedia ... art_id=14208408
